கலைஞர் டி.வி.க்கு 1.25 கோடி ரூபா அபராதம் விதிக்க வேண்டுமென்பதே சி.பி.ஐ. அபிப்பிராயம்

கலைஞர் ரி.வி.க்கு 1.25 கோடி ரூபா அபராதம் விதிக்க வேண்டுமென்பதே சி.பி.ஐ.
அபிப்பிராயம்



ஸ்பெக்ரம் வழக்கு கனிமொழிக்கு சாதகமாக திரும்பும் அறிகுறி


டில்லி:

டி.பி. ரியாலிட்டி நிறுவனத்திடமிருந்து ரூ. 200 கோடி பெற்ற வழக்கில் கலைஞர் டி. வி.
க்கு அமுலாக்கப் பிரிவு ரூ. 1.25 கோடி அபராதம் விதிக்கும் என்று தெரிகிறது. இந்தப்
பணத்தைக் கொடுத்த டி.பி. ரியாலிட்டி நிறுவனத்துக்கு ரூ. 222 கோடி அபராதம்
விதிக்கப்படும் என்றும் தெரிகிறது.
2 ஜி ஸ்பெக்ட்ரத்தை மிகக் குறைந்த விலைக்கு பெற்றதற்கு பிரதிபலனாக கலைஞர்
தொலைக்காட்சிக்கு டி.பி. ரியாலிட்டி நிறுவனம் ரூ. 200 கோடி கொடுத்ததாக புகார்
கூறப்பட்டது. ஆனால், அந்த நிறுவனத்திடம் வட்டிக்குத் தான் ரூ. 200 கோடியைப்
பெற்றதாகவும், அதை 10 சதவீத வட்டியோடு திருப்பித் தந்துவிட்டதாகவும் கலைஞர்
தொலைக்காட்சி கூறி வருகிறது.
இந்த விவகாரத்தில் தான் தி.மு.க. எம்.பி. கனிமொழி கலைஞர் தொலைக்காட்சியின் நிர்வாக
இயக்குனர் சரத்குமார் ஆகியோர் கைது செய்யப்பட்டு சிறையில் அடைக்கப்பட்டுள்ளனர்.
இந்நிலையில் கலைஞர் தொலைக்காட்சிக்கும் ஷாகித் உசேன் பல்வாக்குச் சொந்தமான டி.பி.
ரியாலிட்டி நிறுவனத்துக்கும் அபராதம் விதிக்கும் பணிகளில் அமுலாக்கப் பிரிவு
ஈடுபட்டுள்ளது. பணத்தைத் திரும்பத் தந்துவிட்டதால் கலைஞர் தொலைக்காட்சிக்கு ரூ.1.25
கோடி மட்டுமே அபராதம் விதிக்கப்படுவதாகத் தெரிகிறது.
டி.பி. ரியாலிட்டி நிறுவனத்திடம் வாங்கிய ரூ. 200 கோடியை கலைஞர் தொலைக்காட்சி தனது
கடன்களை அடைக்க பயன்படுத்தியுள்ளது. இந்தக் கடன்கள் 16 சதவீத வட்டிக்கு
வாங்கப்பட்டவை. ஆனால் டி.பி. ரியாலிட்டி நிறுவனத்துக்கு கலைஞர் தொலைக்காட்சி 10
சதவீதம் மட்டுமே வட்டியோடு பணத்தைத் திருப்பிச் செலுத்தியுள்ளது.
இதன் மூலம் கலைஞர் தொலைக்காட்சிக்கு 6 சதவீத வட்டித் தொகையான ரூ. 1.25 கோடி
மிச்சமாகியுள்ளது. இதனால் இந்தப் பணத்தை கலைஞர் தொலைக்காட்சி அபராதமாக செலுத்த
வேண்டும் என்று அமுலாக்கப் பிரிவு கருதுகிறது.
இந்த அபராதத் தொகையை வசூலிக்கும் வகையில் கலைஞர் தொலைக்காட்சியில் ரூ 1.25 கோடி
மதிப்புள்ள சொத்துக்களை கையப்படுத்தும் பணியை அமுலாக்கப் பிரிவு விரைவிலேயே
தொடங்கவுள்ளது.
அதேபோல கலைஞர் தொலைக்காட்சிக்குப் பணம் தந்த டி.பி. ரியாலிட்டிக்கு ரூ. 222
கோடியளவுக்கு அபராதம் விதிக்கவும் அமுலாக்கப் பிரிவு முடிவு செய்துள்ளது.
இவர்களுக்கு இவ்வளவு பெரிய தொகை அபராதமாக விதிக்கக் காரணம், ரூ. 200 கோடியை கலைஞர்
தொலைக்காட்சிக்கு தந்துவிட்டு அதை வட்டியோடு திரும்பப் பெற்று இலாபமும் அடைந்துள்ளது
இந்த நிறுவனம். தவறும் செய்துவிட்டு வட்டி இலாபமும் அடைந்த நிறுவனம் என்ற வகையில்
அந்த நிறுவனம் ரூ. 200 கோடியையும் அதற்குக் கிடைத்த வட்டியான ரூ. 22 கோடியையும்
அபராதமாகச் செலுத்த வேண்டும் என அமுலாக்கப் பிரிவு கூறுகிறது.

இந்த நிறுவனத்தின் ரூ. 222 கோடி மதிப்புள்ள சொத்துக்களை முடக்கும் பணிகளையும்
அமுலாக்கப் பிரிவு ஏற்கனவே ஆரம்பித்துவிட்டது. ஷாகித் உசேன் பல்வாவுக்குச் சொந்தமான
டைனமிக்ஸ் ரியாலிட்டி, டி.பி ரியாலிட்டி, கன்வுட் கன்ஸ்ட்ரக்ஷன், நிகார்
கன்ஸ்ட்ரக்ஷன், எவர்ஸ்மைல் கன்ஸ்ட்ரக்ஷன் கம்பென் ஆகியவற்றின் ரூ. 222 கோடி
மதிப்புள்ள சொத்துக்களை அமுலாக்கப் பிரிவு அடையாளம் கண்டுள்ளது

குறை,தவறுகள் என்று சொல்லணும் என்ற முடிவில் காங்கிரசு .

அதை செய்வனே செய்வது சி.பி.ஐ.

பொய்யான வழக்கிட்டு, அசிங்கம் செய்து, வாழ்வின் நிம்மதி பறிபோக செய்த அரசியல்வாதிகள் மனிதர்கள் தானா!

Atchaya wrote:பொய்யான வழக்கிட்டு, அசிங்கம் செய்து, வாழ்வின் நிம்மதி பறிபோக செய்த அரசியல்வாதிகள் மனிதர்கள் தானா!

இல்லைதான் @.