காலாவதியாவதற்கு முன்....

by **gud boy** Fri 9 Sep 2011 - 16:25

கடல் கடந்து என்
கரம் சேர்ந்து இருக்கும் உன்
கடிதம்!

அழிந்த எழுத்துகளும் உன்
அழுகைதான் காரணம் என
சொல்லாமல் சொல்ல;
கனத்த இதயமோ
ரணமானது மெல்ல!!

வழியில்லாமல்
வளைகுடாவில் நானும்;
விதியே என வீட்டிற்குள் நீயும்!

என் சொந்தங்களை கரையேற்ற
உன் சோகம் பணயமாக
பயணம் வந்தேன்
பாலைவனத்திற்க்கு!

என்னோடு சேர்ந்து
இன்னுமொரு கூட்டம்
வலியோடு இருந்தாலும்
வாய் விட்டு சிரிப்போம்!

கலகலப்பாக
கட்டிலுக்கு சென்றாலும்
கணப் பொழுதில்
கனமாகும் நெஞ்சம்;

உன் நினைவோடு
கனவுக்கு காலடிவைத்தாலும்
அங்கேயும் நீ கேட்பது என்னவோ
என் விடுமுறையைப் பற்றிதான்!!

பசியோடு இருந்தாலும் என்
பக்கத்தில் நீ வேண்டும்;
நடத்தியதுப் போதும் குடும்பம் பாலையோடு
முடித்துவிட்டு வந்துவிடு நாளையோடு என்று!

வெகுளியாய் உன் கையெழுத்திற்கு முன்
வெறுப்பாய் என் கண் முன்னே வெளிநாடு;
காலத்தோடு வந்துவிடுகிறேன்
காலாவதியாவதற்கு முன்னே
வருத்தப்பட்டு பிரயோஜனம் இல்லை
காலம் போனப் பின்னே!

-யாசர் அரஃபாத்

by **நண்பன்** Fri 9 Sep 2011 - 17:49

//என்னோடு சேர்ந்து
இன்னுமொரு கூட்டம்
வலியோடு இருந்தாலும்
வாய் விட்டு சிரிப்போம்!

கலகலப்பாக
கட்டிலுக்கு சென்றாலும்
கணப் பொழுதில்
கனமாகும் நெஞ்சம்;

காலத்தோடு வந்துவிடுகிறேன்
காலாவதியாவதற்கு முன்னே
வருத்தப்பட்டு பிரயோஜனம் இல்லை
காலம் போனப் பின்னே!//

:];: :];: :];: :];:

by *சம்ஸ் Fri 9 Sep 2011 - 21:11

இந்த கவிஞரை சேனைக்கு அழைத்து வரமுடியுமா தோழரே அவரின் கவிதைகள் அனைத்தும் என்னை அதிகமாக கவர்கிறது எனது நன்றிகள் சொல்ல ஒரு வாய்ப்பு கிடைக்குமா?

பகிர்விற்கு நன்றி

by Sponsored content

காலாவதியாவதற்கு முன்....

காலாவதியாவதற்கு முன்....

Re: காலாவதியாவதற்கு முன்....

Re: காலாவதியாவதற்கு முன்....

Re: காலாவதியாவதற்கு முன்....