கன்னட நடிகர் தர்ஷன் தனது மனைவியை கொலை செய்ய, நிகிதாதான் காரணமாம்

by **நேசமுடன் ஹாசிம்** Sun 11 Sep 2011 - 8:17

கன்னட நடிகர் தர்ஷன் தனது மனைவியை கொலை செய்ய முயன்ற வழக்கில் நடிகை நிகிதா மீது புகார் கூறப்பட்டுள்ளது.

சரோஜா படத்தில் நடித்த நிகிதா அதன் பிறகு முரண் படத்தில் நடித்தார். படம் விரைவில் வெளிவரவுள்ளது. இவர் கன்னடத்தில் நடிகர் தர்ஷனுடன் மூன்று படங்களில் நடித்துள்ளார். அப்போது தர்ஷனுக்கும், நிகிதாவுக்கும் இடையில் நெருக்கம் ஏற்பட்டதாக தர்ஷனின் மனைவி கூறியுள்ளார்.

நிகிதாவுடன் ஏற்பட்ட நெருக்கம் காரணமாகவே தர்ஷன் தன்னை கொடுமைப்படுத்தியதாக தர்ஷனின் மனைவி விஜயலட்சுமி கூறியுள்ளார்.

விஜயலட்சுமியை சரமா‌‌ரியாக கத்தியால் குத்தியதற்காக தர்ஷன் கடந்த வெள்ளியன்று கைது செய்யப்பட்டு ‌சிறை‌யில் அடைக்கப்பட்டது குறிப்பிடத்தக்கது.

நடிகை நிகிதா விளக்கம் :

இதுகுறித்து தனது விளக்கத்தை அளித்துள்ளார் நடிகை நிகிதா. அவர் கூறுகையில், "தர்ஷனுடன் நட்பாகத்தான் பழகினேன். எங்களுக்குள் வேறு மாதிரி தொடர்பு இல்லை.

நான் ஏற்கெனவே மனம் நொந்து போய் இருக்கிறேன். எனது தந்தை சமீபத்தில்தான் மரணம் அடைந்தார். குடும்ப ரீதியாக, தொழில்ரீதியாக நிறைய பிரச்சினைகளிலும் சிக்கியுள்ளேன். இந்த நிலையில் இதுபோன்ற அவதூறுகள் என்னை கவலை அடைய செய்கின்றன," என்றார்.

புகார் வாபஸ்

இதற்கிடையே தர்ஷன் தற்போது மருத்துவமனையில் அனுமதிக்கப்பட்டுள்ளார். இதனால் அவர் மீது அளித்த புகாரை மனைவி விஜயலட்சுமி வாபஸ் பெற்றுள்ளார்.