2011 இன் சிறந்த கிரிக்கெட் வீரர்களாக ட்ரோட், சங்ககார, அலெஸ்டீர் கூக் தெரிவு

by **நேசமுடன் ஹாசிம்** Wed 14 Sep 2011 - 7:48

2011 ம் ஆண்டின் ஐசிசியின் சிறந்த கிரிக்கெட் வீரராக, இங்கிலாந்தின் ஜோனதன் ட்ரோட் தெரிவாகியுள்ளார்.

இதற்காக, லண்டனில் நடந்த ஐசிசியின் வைபவத்தில், ஸேர் கார்ஃபில்ட் ஸோபெர்ஸ் விருது வழங்கி அவர் கௌரவிக்கப்பட்டார்.

இறுதியாக அவர் விளையாடிய 12 டெஸ்ட் போட்டிகளில், 1042 ரன்கள் எடுத்ததுடன், அதில் அவருடைய சராசரி ஓட்ட விகிதம் 65.12 ஆக இருந்தது. இறுதியாக விளையாடிய 24 ஒரு நாள் போட்டிகளில், 1064 ரன்களை எடுத்ததுடன், சராசரி ஓட்ட விகிதம் 48.36 ஆக இருந்தது.

கடந்த வருடம் ஐசிசியின் சிறந்த கிரிக்கெட் வீரர்களாக இந்தியாவின் சச்சின் டெண்டுல்கரும், தென் ஆபிரிக்காவின் ஹஷிம் அம்லாவும் தெரிவாகினர்.

கடந்த 2004ம் ஆண்டு இந்தியாவின் ராகுல் ட்ராவிட் தெரிவாகியிருந்தார்.

இதேவேளை ஐசிசியின் சிறந்த டெஸ்ட் கிரிக்கெட் வீரராக அலெஸ்டீர் கூக் தெரிவானார். அவர் இறுதியாக விளையாடிய 12 டெஸ்ட் போட்டிகளில், 1302 ரன்களை எடுத்தார். அவற்றின் சராசரி 76.58 ஆக இருந்தது. ஆஸ்திரேலியாவுக்கு எதிராக அவர் அடித்த 235 ரன்கள், 86-87 ம் ஆண்டுக்கு பிறகு இங்கிலாந்து மீண்டும் ஆஷஸ் தொடரை கைப்பற்ற காரணமாக இருந்தது.

இதேவேளை இவ்விருது வழங்கும் வைபவத்தில், இலங்கையின் முன்னாள் கேப்டன் குமார் சங்ககார மட்டுமே, இருவிருதுகளை பெறும் ஒரே நபராக காணப்பட்டார்.

2011 இன் சிறந்த ODI கிரிக்கெட் வீரருக்கான விருதும், மக்கள் தேர்வுக்கான விருதும் அவருக்கு கிடைத்தன. கடந்த 25 ODI போட்டிகளில் அவர் 1049 ரன்கள் எடுத்துள்ளதுடன் அவற்றின் சராசரி ஓட்ட எண்ணிக்கை 55.21 ஆக இருந்துள்ளது. மேலும் 26 கேட்ச்கள், விக்கெட்ட் கீப்பராக 10 ஸ்டம்ப் வீழ்த்தியமை, தனது கேப்டன்ஷிப் கீழ், இலங்கை அணியை உலக கோப்பை இறுதி போட்டி வரை கொண்டுவந்தமை, என்பன அவருக்கு விருது கிடைக்கும் அங்கீகாரத்தை பெற்று கொடுத்தது.

மிக நீண்ட காலமாக டெஸ்ட் போட்டிகளில் முதல் நிலையை தக்க வைத்திருந்த இந்திய அணியில், மகேந்திரசிங் தோனிக்கு மாத்திரமே இம்முறை ஐசிசியின் விருது கிடைத்துள்ளது. இங்கிலாந்துடனான டெஸ்ட், மற்றும் ஒரு நாள் தொடர் இரண்டிலும் மிக மோசமான தோல்வியை தழுவியதை அடுத்து முதலிடத்தையும் பறிகொடுத்திருந்தது இந்திய அணி.

எனினும் உலக கோப்பை போட்டிகளுக்காக இந்திய அணியை சிறப்பாக வழிநடத்தியமைக்காக, 'Spirit of Cricket accolade' எனும் உயரிய கௌரவ விருது அவருக்கு வழங்கப்பட்டது. மேலும் ஐசிசியின் கனவுலக கிரிக்கெட் அணிக்கு கேப்டனாகவும் அவர் நியமிக்கபப்ட்டார்.

இதேவேளை இவ்வருடத்தின் சிறந்த ஐசிசி நடுவராக பாகிஸ்தானின் அலீம் தெர் தெரிவானார்.

by **நண்பன்** Wed 14 Sep 2011 - 9:25

நன்றி ஹாசிம் தகவலுக்கு

2011 இன் சிறந்த கிரிக்கெட் வீரர்களாக ட்ரோட், சங்ககார, அலெஸ்டீர் கூக் தெரிவு

2011 இன் சிறந்த கிரிக்கெட் வீரர்களாக ட்ரோட், சங்ககார, அலெஸ்டீர் கூக் தெரிவு

Re: 2011 இன் சிறந்த கிரிக்கெட் வீரர்களாக ட்ரோட், சங்ககார, அலெஸ்டீர் கூக் தெரிவு