மும்பை விமான நிலையத்தை தாக்க தீவிரவாதிகள் திட்டம் : மத்திய புலனாய்வு துறை எச்சரிக்கை

சிறிய ரக விமானம் அல்லது ஹெலிகாப்டர் மூலம் மும்பை விமான நிலையத்தை



தீவிரவாதிகள் தாக்குவதற்கு திட்டமிட்டிருக்கலாம் என புலனாய்வு பிரிவினர் புதிய எச்சரிக்கை விடுத்துள்ளனர்.

மும்பை மற்றும் பிரதான நகர்ப்புறங்கள ஒட்டிய மராட்டிய மாநிலம், குஜராத், மத்திய பிரதேசம், கர்நாடக மாநிலம், கோவா ஆகிய பிரதேசங்களுக்கும், இந்த எச்சரிக்கை தகவலை மத்திய புலனாய்வு துறையினர் அனுப்பியுள்ளனர்.

உஷாராக இருக்கும் படியும் உச்சகட்ட பாதுகாப்பு ஏற்பாடுகளை செய்யும் படியும் அவர்களது எச்சரிக்கையில் தெரிவிக்கப்பட்டுள்ளது.

தனி நபர்களுக்கு சொந்தமான சிறிய ரக விமானங்கள், ஹெலிகாப்டர்களை பொலிஸார் தங்களது கட்டுப்பாட்டு கண்காணிப்பில் கொண்டுவருமாயும், அவை பறப்பதற்கு அனுமதி அளிக்க முன்னர் தீவிர கண்காணிப்பு செய்யும் படியும் எச்சரிக்கை தகவல்களில் தெரிவிக்கப்பட்டுள்ளது.

மும்பை விமான நிலையத்திற்கு மட்டுமல்லாது, டெல்லி, சண்டிகார் விமான நிலையங்களுக்கும் எச்சரிக்கை விடுக்கப்பட்டுள்ளது.

ஒரு வாரத்திற்கு முன்னர் கடந்த புதன் கிழமை, டெல்லி உயர் நீதிமன்ற வளாகத்தில் இடம்பெற்ற குண்டு தாக்குதல் தொடர்பில் பிரதான சூத்திரதாரிகள் எவரும் கைது செய்யப்படாத நிலையிலும், ஆப்கானிஸ்தானில் அமெரிக்க தூதரகத்தை குறிவைத்து நேற்று தலிபான்கள் தொடர்ச்சியாக தாக்குதல் மேற்கொண்டுள்ள நிலையிலும் இப்புதிய எச்சரிக்கை விடப்பட்டுள்ளது.

தகவலுக்கு நன்றி ஹாசிம் மும்பை விமான நிலையம் அழகாக உள்ளது நன்றி

த்கவலுக்கு நன்றி

நன்றி பதில்களுக்கு

:kick: