இலங்கை அணியை மீளக்கட்டியெழுப்புவதே இலக்கு

புதிய பயிற்சியாளர் மார்ஷ் உறுதி
கடந்த இரண்டு வருடங்களாக இலங்கை கிரிக்கட் அணி எதிர்நோக்கிய சரிவுகளிலிருந்து அணியை மீளக்கட்டியெழுப்பி முன்னேற் றப்பாதையில் கொண்டு செல்வதே தனது பிரதான இலக்கு என இலங்கை கிரிக்கெட் அணியின் புதிய பயிற்றுவிப் பாளராகப் பொறுப்பேற்றிருக்கும் ஜெப் மார்ஷ் தெரிவித்துள்ளார்.

அண்மையில் அவுஸ்ரேலியாவுக்கு எதிராக நடைபெற்ற டெஸ்ட் போட்டியில் இளம் வீரர்கள் சிறப் பாக செயற்பட்டமையைக் காணக்கூடியதாக விருந்தது என்றும் அவர் கூறியுள்ளார்.

இந்தத் தொடரில் 24 வயதுடைய இளவயது துணைத்தலைவர் அஞ்சலோ மத்தியூஸ் அதிகூடிய ஓட்டங்களைப் பெற்றிருந்தார். அதேநேரம், வேகப்பந்து வீச்சாளர் சமிந்த எரங்க இறுதி டெஸ்ட் போட்டியில் சிறப்பாகப் பந்துவீசியிருந்தார். இந்தத் தொடரில் இலங்கை அணி 1-0 என்ற கணக்கில் தோல்வியடைந்தாலும் ஐ.சி.சி. தரவரிசையில் 5வது இடத்தில் உள்ளது.

அவுஸ்திரேலியா இருக்கும் தரத்திலேயே இலங்கை அணியும் உள்ளது. கடந்த வருடங்களில் இலங்கை அணி சனத் ஜெயசூரிய, சமிந்த வாஸ், முத்தையா முரளிதரன் போன்ற அனுபவம் மிக்க வீரர்களை இழந்துள்ளது. இலங்கை போன்ற நாட்டுக்கு இது பாரியதொரு இழப்பே என்றும் மார்ஷ் சுட்டிக்காட்டி யுள்ளார்.

இருந்தாலும் மத்தியூஸ் போன்ற இளம் வீரர்கள் உள்ளனர். இரண்டு சிறப்பான சுழற்பந்துவீச்சாளர்கள் உள்ளனர். அனுபவம் மிக்க வீரர்களை இழந்திருக்கும் நிலையிலிருந்து அணியை மீளக்கட்டியெழுப்ப வேண்டியுள்ளது என்றும் அவர் கூறினார்.

எதிர்வரும் 12 மாதங்களுக்குள் இலங்கை அணி வீரர்கள் அவுஸ்திரேலிய அணிக்கு எதிராக சிறப்பாகச் செயற்படச் செய்வதே தனது இலக்கு என்று குறிப்பிட்டிருக்கும் மார்ஷ், அவுஸ்திரேலியாவுக்கு எதிரான டெஸ்ட் தொடரில் இலங்கை அணி கடுமையாகப் போராடியிருந்தது. அவர்களுக்குள் இருக்கும் இந்தப் போராடும் திறனை மேலும் வளர்த்துவிட்டால் இலங்கை அணியை சிறந்த நிலைக்கு மீளக்கொண்டுவர முடியும் என்றார்.

இலங்கை கிரிக்கெட் அணியின் புதிய பயிற்றுவிப்பாளராக நியமிக்கப்பட்டிருக்கும் மார்ஷ் நாளை இலங்கை வந்து தனது பதவியைப் பொறுப்பேற்கவுள்ளார்.

தகவலுக்கு நன்றி எனது ஹீரோ சனத் முரளி இவர்கள் இல்லாத போது எனக்கு பார்க்கவும் விருப்பம் இல்லை வாழ்த்துவோம் முன்னேறிச்செல்ல