மைக்கல் ஜக்ஸனின் மருத்துவர் மீதான வழக்கு விசாரணை ஆரம்பம்

by *சம்ஸ் Thu 29 Sep 2011 - 6:30

பிரபல பொப் இசைபாடகர் மைக்கல் ஜக்ஸன் மரணமடைந்த விவகாரத்தில் குற்றம் சாட்டப்பட்டுள்ள அவரது மருத்துவர் கொன்ரட் முர்ரே மீதான வழக்கு விசாரணை நேற்று முன்தினம் முதல் முறையாக நடைபெற்றது.

அளவுக்கு அதிகமாக தூக்கமருந்து சாப்பிட்டதாலேயே மைக்கல் ஜக்ஸன் உயிரிழந்ததாக மருத்துவ சோதனையில் தெரியவந்தது. இதில் ஜக்ஸனுக்கு அளவுக்கு அதிகமான மருந்துகளை வழங்கியதாக அவரது மருத்துவர் முர்ரே மீது கொலை குற்றச்சாட்டு சுமத்தப்பட் டுள்ளது. இந்த கொலை குற்றச் சாட்டு மீதான வழக்கு விசாரணை நியூயோர்க் நீதிமன்றத்தில் நேற்று முன்தினம் ஆரம்பமானது. இதில் ஆஜரான முர்ரே தன் மீதான குற்றச்சாட்டை முற்றாக மறுத்தார்.

இதன்போது கடந்த 2009 ஆம் ஆண்டு மரணமடைந்த ஜக்ஸனின் உடல் மருத்துவமனையில் வைத்திருக்கும் புகைப்படம் ஒன்று நீதிபதியிடம் காண்பிக்கப்பட்டதோடு அவரது பேச்சு அடங்கிய ஒலிநாடா ஒன்று ஆதாரமாக சமர்ப்பிக்கப்பட்டது.

எனினும், மைக்கல் ஜக்ஸனின் மரணம் தற்செயலாக சம்பவித்தது என குறிப்பிட்ட அவரது மருத்துவர் முர்ரேவின் வழக்கறிஞர், ஜக்ஸன் மருத்துவரின் அறிவுறுத்தல் இல்லாமலேயே அதிகளவான மருந்துகளை பயன்படுத்தியதாக வாதாடினார்.