ஜீரணத்தைத் தூண்டும் சீரகம்

by **gud boy** Sat 1 Oct 2011 - 19:28

உடலோட உட்புறத்தை சீராக வைக்குறதால இதை `சீரகம்'னு சொல்றாங்க. நாம சாப்பிடுற எந்த உணவானாலும், அது இயல்பாக செரித்து, அடுத்தவேளை நன்கு பசி எடுத்தால் தான் உடலோட உட்புறம் நல்லா இருக்குன்னு அர்த்தம். அந்த வேலையை நல்லபடியா செய்கிற இயற்கை மருந்து தான் சீரகம்.

`ஜீரணத்தைத் தூண்டுவதால தான் இதன் பெயர் சீரகம்' என்றும் குறிப்பிடுவாங்க. உணவுக்கு நல்ல மணத்தை தரக்கூடிய இது, ருசியையும், பசியையும் தூண்டி விடும். லேசான காரமும், மிதமான சூடும் கொண்டது. குமட்டல், வாந்தி, வயிறு கனமாக இருப்பது... என அனைத்து விதமான ஜீரண வியாதிகளுக்கும் கைகண்ட மருந்து இது.

இதுல மொத்தம் ஐந்து வகை இருக்குது. நற்சீரகமும், சோம்பு எனப்படும் பெருஞ்சீரகமும் சமையலுக்குப் பயன்படும். கருஞ்சீரகம், காட்டுச் சீரகம் ரெண்டும் மருந்துப் பொருட்களாக உபயோகப்படுது. இவைதவிர, காரம் நிறைந்த பளப்பு சீரகமும் இருக்குது. சீரகத்தோட மணத்துக்கு காரணம், அதுல இருக்கிற அதிகப்படியான எண்ணெய்.

கார்போஹைட்ரேட், கொழுப்பு, நார்ச்சத்து ஆகிய மூன்றுமே சீரகத்துல நிறைய உண்டு. புற்றுநோய் செல்களோட வளர்ச்சியைக் கட்டுப்படுத்தும் குணமும் இதுக்கு இருக்கிறதா ஆராய்ச்சியில கண்டுபிடிச்சிருக்காங்க.