ஏமனில் தவறுதலாக நடந்த குண்டு வீச்சில் 30 ராணுவ வீரர்கள் பலி

ஏமனில் தென் அப்யான் மாகாணத்தின் தலைநகர் ஷின் ஜிபார் நகரில் அல்
கொய்தா தீவிரவாதிகளின் ஆதிக்கம் உள்ளது. இந்த நிலையில் கடந்த மே மாதம்
முதல் அங்குள்ள ஒரு பள்ளி கட்டிடத்தை தீவிரவாதிகள் ஆக்கிரமித்து
வைத்துள்ளனர். எனவே அங்கு வகுப்புகள் நடைபெறவில்லை.

இதனால்
அங்கு தீவிரவாதிகள் பதுங்கி இருந்தபடி நாசவேலையில் ஈடுபட்டு வந்தனர்.
அவர்களை அழிக்கும் பணியில் ராணுவம் ஈடுபட்டது. இதை தொடர்ந்து
தீவிரவாதிகளுக்கும், ராணுவத்துக்கும் இடையே கடும் துப்பாக்கி சண்டை
நடந்தது. இதில், ராணுவம் வெற்றி பெற்றது. அங்கிருந்த மீதமுள்ள தீவிரவாதிகள்
ஓட்டம் பிடித்தனர்.

இந்த சண்டையில் 28 பேர்
இறந்தனர். அவர்களில் ராணுவ வீரர்களும், தீவிரவாதிகளும் அடங்குவர். பிறகு
அந்த பள்ளியில் ராணுவ வீரர்கள் தங்கியிருந்தனர். இந்த தகவல்
வெளியிடப்படவில்லை. இதற்கிடையே ஏமன் விமானப்படையின் விமானங்கள் அந்த
பள்ளியில் தீவிரவாதிகள்தான் பதுங்கியிருக்கிறார்கள் என தவறுதலாக நினைத்து
அங்கு சரமாரியாக குண்டுகளை வீசியது.

இதில் 30
ராணுவ வீரர்கள் பலியானார்கள். பலர் படுகாயம் அடைந்தனர். இதற்கிடையே, ராணுவ
வீரர்கள் மீது தெரியாமல் குண்டு வீசப்பட்டதா? அல்லது அதிபர் சலேவுக்கு
எதிராக போராடும் மக்களை கொன்று குவிப்பதற்கு எதிர்ப்பு தெரிவித்து வேண்டு
மென்றே பழி வாங்கப்பட்டதா? என்ற சர்ச்சையும் எழுந்துள்ளது.

:”@: