இலங்கையின் எரிபொருள் துறையில் முதலீடு செய்ய பிரான்ஸ் விருப்பம்

இலங்கையின் எரிபொருள் துறையில்
முதலீடு செய்ய பிரான்ஸ் விருப்பம்



தூதுவருடன் அமைச்சர் ரிசாட் பேச்சு

2012 இல் நடை பெறவுள்ள எக்ஸ்போ 2012 கண்காட்சியில் பிரான்சின் உயர்மட்ட கைத்தொழில்
மற்றும் வியாபாரத்துறை சார்ந்தவர்களிற்கு இலங்கை அழைப்பு விடுத்துள்ளது.
இலங்கைக்கான பிரான்ஸ் தூதுவர் கிரிஸ்டின் ரோபி சோன்ஸ் இலங்கை யிலுள்ள பிரான்ஸ்
கவுன்சிலரின் ஜீன் லூய் பொலி, கைத்தொழில் மற்றும் வணிக அமைச்சர் ரிஷாத் பதியுதீன்
ஆகியோரிற்கிடையே திங்களன்று கைத்தொழில் மற்றும் வணிக அமைச்சில் கலந்துரையாடல்
நடைபெற்றது.
அதில் இலங்கையின் புதிய அபிவிருத்தி யுகத்தில் பொருளாதார முதலீட்டாளர்களிற்கு நம்
நாட்டு முதலீடுகளில் பங்குகொள்ள அழைப்பு விடுப்பதாக அமைச்சர் கூறினார்.
பிரான்ஸின் வியாபார கைத்தொழில் பிரமுகர்கள் எக்ஸ்போ 2012 கண்காட்சியில் கலந்து
கொள்வது இரு நாட்டு வியாபார தொடர்புகளை மேலும் வலுப்படுத்தும் எனவும் அமைச்சர்
கூறினார்.
இலங்கையின் புதிய அபிவிருத்தி யுகத்தைப்பற்றி பிரான்ஸ் அறிந்து வைத்துள்ளதாகவும்
பிரான்சினால் இலங்கையின் நிர்மாண மற்றும் எரிபொருள் துறைகளிலும் முதலீடுகளை
செய்வதற்கு தயாராக உள்ளதாகவும் அந்நாட்டு தூதுவர் அமைச்சரிடம் கூறினார்.
பிரான்ஸ் இலங்கையின் முக்கிய வியாபார கொடுக்கல் வாங்குனராகும்.
2010 ஆம் ஆண்டு இரு நாடுகளிற்கும் இடையிலான வியாபார கொடுக்கல் வாங்கல் டொலர்
மில்லியன் 310 ஆக பதியப்பட்டுள்ளது. இதில் 8.06மி டொலர் இலங்கைக்கு சாதகமான
மீதியாகும். கடந்த ஆறு வருடங்களாக (2005, 2008 தவிர) இலங்கைக்கு சாதகமான மீதியே
பதியப்பட்டுள்ளது.