மூவரின் தூக்குத் தண்டனையையும் ரத்து செய்ய வேண்டுமென்பதே கார்த்திகேயனின் விருப்பம்

by **நண்பன்** Wed 7 Sep 2011 - 9:15

மூவரின் தூக்குத் தண்டனையையும் ரத்து செய்ய
வேண்டுமென்பதே கார்த்திகேயனின் விருப்பம்

புதுடில்லி,

ராஜீவ் கொலை வழக்கில் தூக்கு தண் டனை விதிக்கப்பட்ட முருகன். சாந்தன், பேரறிவாளன்
ஆகிய 3 பேருக்கும் அந்த தண்டனையை ரத்து செய்து அவர்களுக்கு ஆயுள் தண்டனை
விதிக்கவேண்டும் என்று கொலை வழக்கை விசாரித்த கார்த்திகேயன் கூறி இருக்கிறார்.
மூவரின் தூக்குத் தண்டனையையும் ரத்து செய்ய வேண்டுமென்பதே கார்த்திகேயனின் விருப்பம் I5

மூவரின் தூக்குத் தண்டனையையும் ரத்து செய்ய வேண்டுமென்பதே கார்த்திகேயனின் விருப்பம் I5

தமிழ்நாட்டுக்கு வந்த ராஜீவ்காந்தி 1991ம் ஆண்டு மே மாதம் 21ம் திகதி கொலை
செய்யப்பட்டார். இந்த கொலை நடந்த மறுநாளே இந்த கொலை குறித்து விசாரிக்கும் சிறப்பு
புலனாய்வு பிரிவு குழுத்தலைவராக தமிழ்நாட்டை சேர்ந்த ஐ.பி.எஸ். அதிகாரி
கார்த்திகேயன் நியமிக்கப்பட்டார். அவர் விசாரணை நடத்தி ஒரு ஆண்டு காலத்துக்குள்
அறிக்கை தாக்கல் செய்தார். அதில் 41 பேர் மீது குற்றஞ்சாட் டப்பட்டு இருந்தது.
இதன் அடிப்படையில் வழக்கு நடத்தி பலருக்கும் தண்டனை விதிக்கப்பட்டது. அவர்களில்
நளினி பேரறிவாளன், முருகன், சாந்தன் ஆகிய 4 பேருக்கு மட்டும் உச்சநீதிமன்றம் 1999ம்
ஆண்டு தூக்குத் தண்டனை விதித்தது. பிறகு நளினிக்கு மட்டும் தூக்கு தண்டனை ஆயுள்
தண்டனையாக குறைக்கப்பட்டது.
இந்த வழக்கை விசாரித்த பொலிஸ் அதிகாரி கார்த்திகேயன் நிருபர்களிடம் கூறியதாவது:-
தூக்கு தண்டனை விதிக்கப்பட்ட 3 பேருக்கும் தண்டனையை குறைக்க வேண்டும் என்ற பிரசாரம்
தமிழ் நாட்டில் நடந்து வருகிறது. இது தமிழ்நாட்டு மக்கள் மத்தியில் உணர்வுபூர்வமான
பிரச்சினையாக மாறி உள்ளது. எனவே, இந்தப் பிரச்சினை குறித்து விவாதிப்பதற்காக
பாராளுமன்றம் விசேடமாக கூட்டப்பட வேண்டும்.

மூவரின் தூக்குத் தண்டனையையும் ரத்து செய்ய வேண்டுமென்பதே கார்த்திகேயனின் விருப்பம் I5-1

மூவரின் தூக்குத் தண்டனையையும் ரத்து செய்ய வேண்டுமென்பதே கார்த்திகேயனின் விருப்பம் I5-1

அதில் மரண தண்டனை குறித்து
விவாதிக்கப்பட வேண்டும். மாநில அடிப்படையில் 3 பேருக்கு மட்டும் தண்டனை குறைப்பு
செய்தால் அது அபாயகரமான முன் உதாரணமாகி விடும்.
தூக்கு தண்டனை விதிக்கப்பட்ட 3 பேர் மீதும் எனக்கு தனிப்பட்ட முறையில் எந்த
விரோதமும் கிடையாது. நான் என் கடமையை செய்தேன். அரசாங்கம் தன் கடமையை இப்போது
செய்யட்டும். அவர்களின் தண்டனை ஆயுள் தண்டனையாக குறைக்கப்பட்டால் நான்
சந்தோஷப்படுவேன்.
நளினிக்கு விதிக்கப்பட்ட தூக்கு தண்டனை ஆயுள் தண்டனையாக குறைக்கப்பட்டு இருப்பதால்,
அது மற்ற 3 பேருக்கும் தூக்கு தண்டனையை ஆயுள் தண்டனையாக குறைக்க உதவும். மேலும்
அவர்கள் 20 ஆண்டுகளாக சிறையில் இருந்து இருப்பதாலும் கருணை மனு மீது 11 ஆண்டுகளுக்கு
பிறகு பரிசீலனைக்கு எடுத்துக் கொண்டிருப்பதாலும் அவர்களுக்கு தண்டனையை குறைக்க
வாய்ப்பு இருக்கிறது.