ஓடும் ரெயிலில் ஜன்னல்வழியாக வெளியே விழுந்த சிறுமியின் கை துண்டானது;

ஓடும் ரெயிலில்

ஜன்னல்வழியாக வெளியே விழுந்த சிறுமியின் கை துண்டானது;

ரெயில் சக்கரம் ஏறி நசுங்கியது

நேரில் கண்ட தாய் கதறல்

கோவை மாவட்டம் சிங்காநல்லூர் இடையர்பாளையம் லட்சுமண தேவி வீதியை
சேர்ந்தவர் சந்திரசேகரன். கார் டிரைவராக உள்ளார். இவரது மனைவி சுலோச்சனா.
இந்த தம்பதியினருக்கு 7 வயதில் ஸ்ரீதரணி என்ற மகள் உள்ளாள். இவர்கள்
குடும்பத்துடன் வேலூரில் உள்ள உறவினர் வீட்டுக்கு சென்றனர். பிறகு வேலூரில்
இருந்து நேற்று ரெயிலில் கோவை திரும்பினர்.

மாலை 6
மணி அளவில் அந்த ரெயில் ஈரோடு வந்தது. பிறகு சிறிதுநேரம் கழித்து ரெயில்
மீண்டும் பயணித்தது. அப்போது தாய்அருகே இருந்த சிறுமி ஸ்ரீதரணி
ரெயில்ஜன்னல்வழியாக கையில் இருந்தமுருக்கை கடித்து சாப்பிட்டபடி வெளியே
வேடிக்கை பார்த்துகொண்டிருந்தாள்.அந்த ஜன்னல் ஆபத்தான சமயத்தில் திறந்து
பயணிகள் வெயியே குதிக்கும் வழியாகும்.

ரெயில்
ஈரோட்டை தாண்டி தொட்டி பாளையம் என்ற பகுதியில் வந்தபோது ஸ்ரீதரணி ஜன்னலை
திடீரென கவனிக்காமல் திறந்து விட்டார். அதேவேகத்தில் அந்த சிறுமி ஜன்னல்
வழியாக வெளியேநிலை தடுமாறி விழுந்துவிட்டாள். தண்டவாளத்தில்அவள்
விழுந்ததில் ரெயில் சிறுமியின் கையில் ஏறி நசுங்கி கூழாகியது. இதில்
சிறுமியின் இடதுகைதுண்டானது. மணிக்கட்டின் மேல் பகுதி சிதைந்தது.

இதைகண்ட
தாயார் சுலோச்சனாவும் அருகில் இருந்த பயணிகளும் அலறிகதறினர். அபாய
சங்கிலியை பிடித்து ரெயிலை பயணிகள் நிறுத்தினர். பிறகு அனைவரும் கீழே
இறங்கி ஓடிச்சென்றனர். கை துண்டிக்கப்பட்ட நிலையில் துடித்துக்கொண்டிருந்த
சிறுமி ஸ்ரீதரணியை ஈரோட்டில் உள்ள ஒரு தனியார் ஆஸ்பத்திரியில்
சிகிச்சைக்காக சேர்த்தனர். துண்டான இடது கையை ஆஸ்பத்திரியில் சிறுமிக்கு
பொருத்த டாக்டர்கள் முயன்றனர் ஆனால் முயற்சி பலிக்கவில்லை.

மேலும்
சிறுமி கீழே விழுந்ததில் தலையிலும் பலத்த அடிபட்டது. சிறுமிக்கு
டாக்டர்கள் தொடர்ந்த தீவிரசிகிச்சை அளித்து வருகிறார்கள். ஏற்கனவே கடந்த 2
மாதத்துக்கு முன் ஈரோட்டை சேர்ந்த ஒரு கல்லூரி மாணவி கோவையில் நடந்த
விபத்தில் மெதுவாக சென்ற ரெயிலில் இருந்து அவசரமாக கீழே இறங்கும்போது கீழே
விழுந்து 2 கால்களை இழந்தாள். இப்போது ஒருசிறுமி ரெயிலில் இருந்து தவறி
விழுந்து ஒரு கையை இழந்த சம்பவம் ஈரோட்டில் பெரும் சோகத்தை ஏற்படுத்தி
உள்ளது.

கவலையான செய்தி :!#: