போரில் பயந்த நிலையில் தொழும் தொழுகை

‘ஜுஹைனா‘ என்ற இடத்தில் ஒரு கூட்டத்தாரோடு நாங்கள் அல்லாஹ்வின் தூதர் ஸல்லல்லாஹ்
அலைஹி வஸல்லம் அவர்களுடன் (சேர்ந்து) போர் செய்தோம். (அப்போது) அவர்கள் (எதிரிகள்)
எங்களைக் கடுமையாகக் கொன்று விட்டார்கள். நாங்கள் ‘ளுஹர்‘ தொழுகை தொழுத போது
அவர்கள் தொழுது கொண்டிருக்கும்போது ஒரே அடியாக நாம் அவர்களின் மீது சாய்ந்து
(தாக்கி) விட்டால் அவர்களை வேறோடு அழித்துவிடலாம் என இணை வைக்கக்கூடியவர்கள்
கூறினர். அது பற்றிய (விபரத்தை) ஜீப்ரில் அலைஹிஸ்ஸலாம் அவர்கள் அல்லாஹ்வின் தூதர்
ஸல்லல்லாஹ் அலைஹி வஸல்லம் அவர்களுக்கு கூறிவிட்டனர். அதைப்பற்றி அல்லாஹ்வின் தூதர்
ஸல்லல்லாஹ் அலைஹி வஸல்லம் அவர்கள் எங்களுக்கு நினைவுபடுத்தினர். தொழுகை(யை
நிறைவேற்ற வேண்டிய) நேரம் வரும், அது அவர்களுக்கு (தங்களின்) மக்களை விட மிக
விருப்பமானதாகும். (அப்போது தாக்கி விடலாம்) என நிச்சயமாக அவர்கள் கூறினர்.

அஸர் தொழுகை(யின் நேரம்) வந்த போது இரு அணிகளாக நாங்கள் அணிவகுத்து நின்றோம். இணை
வைப்பவர்கள் எங்களுக்கும் கிப்லாவுக்குமிடையில் இருந்தனர்.

அல்லாஹ்வின் தூதர் ஸல்லல்லாஹ் அலைஹி வஸல்லம் அவர்கள் தக்பீர் கூறினார்கள்.
நாங்களும் தக்பீர் கூறினோம். அவர்கள் ருகூஉ செய்தார்கள். நாங்களும் ருகூஉ செய்தோம்.
அதன்பிறகு அவர்கள் ஸஜ்தா செய்தார்கள். அவர்கள் (ஸஜ்தாவிலிருந்து) எழுந்ததும்
இரண்டாவது வரிசையில் உள்ளவர்கள் ஸஜ்தா செய்தனர். அதன்பிறகு முந்திய வரிசைகளில்
இருந்தவர்கள் பிந்திக்கொள்ள இரண்டாவது வரிசையில் இருந்தவர்கள் முதல் இடத்திற்கு
வந்து நின்றுவிடுகிறார்கள். (அப்போது) அல்லாஹ்வின் தூதர் ஸல்லல்லாஹ் அலைஹி வஸல்லம்
அவர்கள் தக்பீர் கூறினார்கள். நாங்களும் தக்பீர் கூறினோம். அவர்கள் ருகூஉ
செய்தார்கள். நாங்களும் ருகூஉ செய்தோம். அதன்பிறகு ஸஜ்தா செய்ய முதல் அணியில்
இருந்தவர்கள் அவர்களுடன் ஸஜ்தா செய்கின்றனர். (அப்போது) இரண்டாவது அணியினர் நின்று
விடுகின்றனர். இரண்டாவது அணியினர். ஸஜ்தா செய்து முடிக்கும் போது எல்லோரும்
அமர்ந்து விடுகின்றனர். அல்லாஹ்வின் தூதர் ஸல்லல்லாஹ் அலைஹி வஸல்லம் அவர்கள் இரு
அணியினருக்கும் சலாம் கூறிவிடுகின்றனர் என்பதாக ஜாபிர் பின் அப்துல்லாஹ் ரளியல்லாஹு
அன்ஹு அவர்கள் அறிவிக்கிறார்கள் அதன்பிறகு இந்த உங்களது தலைவர்கள் தொழுவதை போன்று,
என ஜாபிர் ரளியல்லாஹு அன்ஹு பிரத்யோகமாகக் கூறினர் என அபுஜ்ஜுபைர் கூறுகிறார்.

அறிவிப்பவர் : ஜாபிர் பின் அப்துல்லாஹ் ரளியல்லாஹு அன்ஹுமா