தாயைத் துரத்திய கொடிய தனயன் நீதிமன்றத்தில் நிறுத்தப்பட்டுள்ளான்

by **நண்பன்** Mon 17 Oct 2011 - 9:54

தாயைத் துரத்திய கொடிய தனயன்
நீதிமன்றத்தில் நிறுத்தப்பட்டுள்ளான்

தாயைத் துரத்திய கொடிய தனயன் நீதிமன்றத்தில் நிறுத்தப்பட்டுள்ளான் N1110179

தாயை கண்கண்ட தெய்வமாக நினைத்து வாழ்நாள் பூராகவும் அன்பு செலுத்தும் எங்கள்
நாட்டின் சமூக அமைப்பிலும் இந்த மனிதனைப் போன்ற கொடுமை க்காரர்களும்
இருக்கிறார்கள்.
களுத்துறையில் தனது சொந்த வீட்டில் நிம்மதியாக ஒரு வயோதிப மாது
வாழ்ந்துகொண்டிருந்தார். அவருடைய மகன், தாயிடம் வந்து ஒவ்வொரு நாளும் அந்த வீட்டை
தனது பெயரில் எழுதிவிடவேண்டுமென்று துன்புறுத்திக்கொண்டிருந்தான்.
அதற்கு அந்தத் தாய், இந்த வீட்டில் நாங்கள் இருவரும் நிம்மதியாக இருப்போம். எனது
மரணத்துக்குப் பிறகு இந்த வீடு உனக்குத்தான் சொந்தமாகும் என்று தாய் அவனை சமாதானப்
படுத்தினார். வீட்டை மகனின் பெயரில் எழுதிவிட்டால் அவன் அவ்வீட்டை விற்று காசை
நாசமாக்கிவிடுவான் என்று அஞ்சியே அத்தாய் அவ்விதம் செய்தாள்.
என்றாலும் மகனின் துன்புறுத்தல் தாங்கமுடியாது அந்தத் தாய் வீட்டின் உறுதியை மகனின்
பெயரில் எழுதிவிட்டார். எழுதிய மறுதினமே அந்த மகன் தாயை அடித்து வீட்டைவிட்டுத்
துரத்திவிட்டான். இதனால் இப்போது அந்தத் தாய் தன்னுடைய மகளின் வீட்டில் காலத்தைக்
கழித்துக்கொண்டிருக்கிறார்.
இந்த சம்பவம் பற்றி தகவலறிந்த பொலிஸார் அந்த மகனைக் கைதுசெய்து களுத்துறை
நீதிமன்றத்தில் ஆஜர் செய்தனர். இந்த வழக்கு விசாரணை தொடர்ந்து
நடைபெற்றுக்கொண்டிருக்கின்ற நிலையில் அந்தப் பொல்லாத மகன் 50 ஆயிரம் ரூபா பிணையில்
விடுவிக்கப்பட்டுள்ளார்.