பகிடிவதையின் போது தாக்குதல்! யாழ்.பல்கலை. மாணவனின் செவிப்பறை வெடித்தது

by **mufees** Fri 21 Oct 2011 - 20:32

யாழ்ப்பாண பல்கலைக்கழகத்தில் இடம்பெற்ற பகிடிவதையின் போது சிரேஷ்ட மாணவர்களால் துன்புறுத்தப்பட்டார் என்று சொல்லப்படும் சம்பவத்தில் காயமடைந்த முதலாம் வருட மாணவர் ஒருவர் யாழ்.போதனா வைத்தியசாலையில் சிகிச்சை பெற்ற பின்னர் வீடு திரும்பினார் என்று யாழ். போதனா வைத்தியசாலைத் தகவல்கள் தெரிவிக்கின்றன.
மூத்த மாணவர்கள் சொன்னதை மீறி கைக்குட்டையை எடுத்து வந்ததற்காக இவர் தாக்கப்பட்டார் என்று விசாரணைப் பதிவுகளில் இருந்து தெரியவந்துள்ளது.

இரு மூத்த மாணவர்களே இவரைத் தாக்கினர் என்று வாக்கு மூலப்பதிவுகள் கூறுகின்றன. கடந்த 13 ஆம் திகதி மாணவன் தாக்கப்பட்டுள்ளார்.

எனினும் தொடர்ச்சியான நோவை அடுத்து 18 ஆம் திகதி குறித்த மாணவன் வைத்தியசாலையில் சேர்ந்துள்ளார்.

14 ஆம் இலக்க விடுதியில் சேர்க்கப்பட்ட இவருக்கு இடதுபக்க செவிப்பறை மென்சவ்வு வெடித்துள்ளதாக மருத்துவ அறிக்கைகள் தெரிவிக்கின்றன .

ராக்கிங் செய்வது தண்டனைக்குரிய குற்றம் என்று பல்கலைக்கழக மானியங்கள் ஆணைக்குழு அறிவித்துள்ள நிலையிலும் இந்தச் சம்பவம் குறித்துத் தகவல்கள் வெளியாகி உள்ளன பகிடிவதையின் போது தாக்குதல்! யாழ்.பல்கலை. மாணவனின் செவிப்பறை வெடித்தது Ragging_01