கொல்லும் பயணம்

by **gud boy** Mon 24 Oct 2011 - 21:27

கூடுவிட்டுக் கூடுப்பாய;
கூடை மட்டும்
தூக்கிக் கொண்டு;
கனமில்லாக் கடவுச்சீட்டைக்
கரம்பிடித்ததால்;
கனமானது மனம்;
கண்கள் குளமானதுத் தினம்!

அழுதுவடியும் அம்மாவும்;
அழுவதற்கேத்
தெம்பில்லா இல்லாளும்;
கூடி நிற்கும் உறவுகளும்;
வாசலில் நிற்கும்;
என் புன்னகைத் தோற்கும்!

மொழியில்லா மவுனமும்
விழிகளைக் கடக்க- சோகம்
தொண்டையை அடைக்க;
எட்டிப்பார்ப்பேன் மகிழுந்தின்
ஜன்னல்களை இறக்கியப்படி!

மெல்ல நகரும் வாகனமும்;
மென்று எனைக் கொல்ல;
அழுகை எனை வெல்ல;
மகிழுந்தின்;
கறுப்புக் கண்ணாடியை
வெறுப்பாய் நான் பார்க்க;
என் வீட்டு முகப்பு;
முழுவதாய் மறைய!

நசிந்துப்போன என் ஊர்
கடைத்தெருவும்;
அழகாய் ஜொலிக்க;
நண்பர்கள் கூட்டமொன்று;
கரம் அசைத்து – என்
மனதைப் பிழிய;
பொறுத்ததுப் போதும்
என் பொங்கி அழ!

எனக்கு மட்டும் எதற்கு என
என்னையே நொந்துக்கொள்ள;
எனைப்போலவே ஆங்காங்கே
அழுதுக்கொண்டுக் கண்களைப்
பிசைந்துக்கொண்டு ஒர் கூட்டம்!
விமான நிலையத்தில்!

சிரித்துக்கொண்டே;
சில்லறையைச் சேர்த்தக்
கூட்டமொன்று உறவுகளை
அணைத்தப்படி வருகைப் புரிய;
மெல்லப் பூரிப்பேன்;
இவர்கள் அழ இன்னும்
மாதம் இருக்கென்று!
--
-யாசர் அரஃபாத்

http://itzyasa.blogspot.com

by **நண்பன்** Mon 24 Oct 2011 - 21:46

எனக்கு மட்டும் எதற்கு என
என்னையே நொந்துக்கொள்ள;
எனைப்போலவே ஆங்காங்கே
அழுதுக்கொண்டுக் கண்களைப்
பிசைந்துக்கொண்டு ஒர் கூட்டம்!
விமான நிலையத்தில்!

நானும் நினைப்பேன் எனக்கு மட்டுமேன் இந்த நிலை
இல்லை என்னைப்போல் பல ஆயிரம் மக்கள் இன்னும் அங்கு உள்ளார்கள் நான் இந்தப் பயணத்தை வெறுத்தாலும் நாட்டிலுள்ள படித்த வேலை இல்லாப் பட்டதாரிகள் இன்னும் இங்கு வரத் துடிக்கிறார்கள் முடிவில்லாப் பயனம் இது காந்த மண் தொடர்ந்து இழுத்துக்கொண்டேதான் இருக்கும் நாட்டில் செட்டில் ஆக விடாது இந்த மண் :!#:

அருமையான கவிதை பகிர்வுக்கு மிக்க நன்றி உறவே :!+: :!+:

by **gud boy** Wed 26 Oct 2011 - 6:48

அறியாமல் வந்தோம்.. ஆனால் அறிந்த பின்பும் போக மனமில்லை...படித்து பட்டம் பெற்ற நாமே இங்கு புலம்பும் போது படிக்காத நாம் உறவுகள் இங்கு வர துடிப்பதை நினைக்கும் போது மனம் அவர்களுக்காக வருந்துவதை தவிர வேறொன்றும் செய்ய இயலவில்லை..

by *சம்ஸ் Wed 26 Oct 2011 - 13:56

நிதர்சன வரிகள் அறிந்தோம் இன்று அறியாமை அன்று விடைபெற நினைக்கிறது மனசு முடியாமல் தவிக்கிறோம் காலம் பதில் சொல்லும் அதுவரை கண்ணீர்தான் மத்தியகிழக்கில்.

அருமையான வரிகள் வாழ்த்துகள் தோழரே

by **முனாஸ் சுலைமான்** Wed 26 Oct 2011 - 14:01

:!+: :!+: :!+:

by **நண்பன்** Wed 26 Oct 2011 - 17:46

kiwi boy wrote:அறியாமல் வந்தோம்.. ஆனால் அறிந்த பின்பும் போக மனமில்லை...படித்து பட்டம் பெற்ற நாமே இங்கு புலம்பும் போது படிக்காத நாம் உறவுகள் இங்கு வர துடிப்பதை நினைக்கும் போது மனம் அவர்களுக்காக வருந்துவதை தவிர வேறொன்றும் செய்ய இயலவில்லை..

by **பாயிஸ்** Wed 26 Oct 2011 - 17:58

கடல் கடந்த ஒரு கடவுச்சீட்டில் எம்வாழ்கை கறைந்து போய்விட்து கதறியழும் கண்ணீருக்கு காரணங்கள் எத்தனை எத்தனையோ வந்து விட்ட பி்ன் வாழக்கற்றுக்கொண்டோம் இனி போவதென்பதும் இருப்பெதென்பதும் எங்களுக்கு இரண்டும் ஒண்றே.
இழந்து வந்ததை மீட்டிப்பார்த்தே வாழ்ந்து கொண்டிருக்கிறோம் எங்கள் வாழ்கையில் அவைகள் மட்டுமே இன்பான பக்கங்கள்.

அருமையான் கவிதை நன்றி தோழா

by **kalainilaa** Wed 26 Oct 2011 - 18:02

-யாசர் அரஃபாத்.முகம் தெரியாத இவர்
இங்கு மனம் கவர்ந்தவர்.

by **நண்பன்** Wed 26 Oct 2011 - 18:04

kalainilaa wrote:-யாசர் அரஃபாத்.முகம் தெரியாத இவர்
இங்கு மனம் கவர்ந்தவர்.

by Sponsored content

கொல்லும் பயணம்

கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்

Re: கொல்லும் பயணம்