2ஜி' வழக்கில் சிக்க ராஜாவை சிறையில் இருந்து விடுவித்து விடலாமா -

2ஜி' வழக்கில் சிக்கியுள்ள முன்னாள் அமைச்சர் ராஜா, பணத்தை திரும்ப அளித்து விட்டால், அவரை சிறையில் இருந்து விடுவித்து விடலாமா? என திக்விஜய் சிங், காங்., பொதுச் செயலர் கேட்டுள்ளார்.


திரும்பக் கொடுக்க முடிவு: இதுகுறித்து கிரண் பேடி நேற்று கூறியதாவது: கூடுதல் கட்டணங்களில் மீதமான தொகை முழுவதும், "இந்தியா விஷன்' என்ற அறக்கட்டளை கணக்கில் தான் போடப்பட்டுள்ளது. இந்த தொகை முழுவதும் ஏழைகளுக்காகச் செலவிடப்படுகிறது. ஆனாலும், இந்த விவகாரத்தில் சர்ச்சை எழுந்துள்ளதை அடுத்து, கூடுதலாக வசூலிக்கப்பட்ட கட்டணத் தொகையை, சம்பந்தப்பட்ட விழாக் குழுவினரிடம் திரும்ப ஒப்படைத்து விடுமாறு, அறக்கட்டளை நிர்வாகிகள், என் பயண ஏஜன்டிடம் கூறியுள்ளனர். இதையடுத்து, கூடுதல் கட்டணங்கள், திரும்பச் செலுத்தப்படவுள்ளன. பணம் சம்பந்தமான விவகாரத்தில் ஒருபோதும் நான் தலையிட்டது இல்லை. என் பயண ஏஜன்ட் தான் இந்த விவகாரத்தை கையாளுகிறார். எனவே, அறக்கட்டளையில் உள்ளவர்களின் வேண்டுகோளின்படி, கூடுதல் கட்டணங்கள் திரும்ப அளிக்கப்படவுள்ளன. இவ்வாறு கிரண் பேடி கூறியுள்ளார்.

திக்விஜய் சிங், காங்., பொதுச் செயலர் :ஊழலில் பணம் சம்பாதித்தவர்கள், அந்த பணத்தை திரும்பச் செலுத்தி விட்டால், அவர்கள் செய்த குற்றத்துக்கு மன்னிப்பு அளித்து விடலாம் என, கிரண் பேடி கூறுகிறாரா? அப்படியானால், "2ஜி' வழக்கில் சிக்கியுள்ள முன்னாள் அமைச்சர் ராஜா, பணத்தை திரும்ப அளித்து விட்டால், அவரை சிறையில் இருந்து விடுவித்து விடலாமா? ஊழலுக்கு எதிரான அமைப்புக்கு வந்த நன்கொடைகளை, அரவிந்த் கெஜ்ரிவால் தனது அறக்கட்டளையின் வங்கிக் கணக்குக்கு மாற்றியது ஏன் என, கேள்வி எழுப்பினால், இதற்கு பா.ஜ., தரப்பில் இருந்து எதிர்ப்பு தெரிவிக்கப்படுகிறது. இதன் மூலம், அன்னா ஹசாரே குழுவுக்கும், பா.ஜ., - ஆர்.எஸ்.எஸ்., ஆகியவற்றுக்கும் இடையில் தொடர்பு உள்ளது என்பது நிரூபிக்கப்பட்டுள்ளது.