மோசடிக்காரர்களிடம் பணம் கொடுத்து ஏமாற வேண்டாம்

by **நண்பன்** Thu 27 Oct 2011 - 11:23

இத்தாலி தொழில் வாய்ப்பு:

மோசடிக்காரர்களிடம் பணம்
கொடுத்து ஏமாற வேண்டாம்

பணியகம் எச்சரிக்கை

எம். எஸ். பாஹிம்

இத்தாலியில் தொழில் பெறுவதற்காக மோசடிகாரர்களுக்கு பணம் கொடுத்து ஏமாற வேண்டாமென
வெளிநாட்டு வேலைவாய்ப்புப் பணியகம் எச்சரித்துள்ளது. 2013 ஆம் ஆண்டு முதல்
வருடாந்தம் இலங்கையில் இருந்து வெளிநாட்டுக்கு பயிற்றப்பட்ட தொழிலாளர்களை அனுப்ப
இத்தாலியுடன் ஒப்பந்தம் கைச்சாத்திடப்பட்டுள்ளது. இதனைப் பயன்படுத்தி சிலர்
இப்பொழுதே மக்களை ஏமாற்றி பணம் பெற முயல்வதாக பணியக தலைவர் கிங்ஸ்லி ரணவக்க
தெரிவித்தார்.
இத்தாலிக்கு தொழில் பெற்றுச் செல்ல விரும்புவோர் இலங்கையில் உள்ள இத்தாலி இணைப்பு
அலுவலகத்தினூடாகவே விண்ணப்பிக்க வேண்டும். விண்ணப்பம் விநியோகிக்கப்படும் திகதி
பின்னர் அறிவிக்கப்படும் எனவும் அவர் குறிப்பிட்டார். இதற்கான நடவடிக்கைகள்
முன்னெடுக்கப்பட்டு வருவதாகவும் போலி தரகர்களிடம் பணம் கொடுத்து ஏமாற வேண்டாம்
எனவும் அவர் கோரியுள்ளார். இத்தாலிக்கு வருடாந்தம் பயிற்றப்பட்ட உத்தியோகத்தர்களை
அனுப்புவது தொடர்பில் வெளிநாட்டு வேலை வாய்ப்பு மேம்பாட்டு அமைச்சர் டிலான்
பெரேராவுக் கும் இத்தாலி தொழில் அமைச்சருக்கு மிடையில் ஒப்பந்தம் கைச்சாத்திடப்
பட்டது. இதனை பயன்படுத்தி மக்களை ஏமாற்ற சிலர் முயல்வதாக தகவல் கிடைத்துள்ளதாக
பணியகம் கூறியது.