கப்பலுக்கு போன மச்சான்-பாடல்

மனைவி:
கப்பலுக்கு போன மச்சான்,
கண் நிறைந்த ஆசை மச்சான்
எப்பதான் வருவீங்க எதிர்பார்கிறேன்.
நான் இரவும் பகலும் தொழுது தொழுது கேட்கிறேன்

கணவன்
:கண்ணுக்குள்ள வாழ்பவேளே,கல்புக்குள்ளே வாழ்பவளே
இன்சா அல்லா விரைவில் வருவேன்;
உன் இஸ்டம் போல நினைத்தது எல்லாம் தருவேன்.

மனைவி:
அக்கரைக்கு போனதுமே அக்கறையும் போயுடுச்சோ?
அன்று சொன்ன வார்தைகளின் அர்தங்களும் மாறிடுச்சோ?
சக்கரை மேல் கோபம் கொண்டு கட்டெரும்பும் ஓடிருச்சோ?
சங்கதி தெரியலையே! மன்னன் மனம் வாடிருச்சோ?

கணவன்:
அன்னமே அடிக் கரும்பே ஆவல் என்னை மீறுதடி
எண்ணை கிணறு போல எண்ணம் எல்லாம் ஊறுதடி.
உன்னை அங்கு விட்டு வந்து உள்மனசு வாடுதடி.
உள்ளபடி சொன்னாக்கா உயிர் அங்கு வாழுதடி.

மனைவி:
துபாயுக்கு பயணம் போயி வருசம் ஆறாச்சு
துள்ளி வரும் காவிரி போல் கண்ணு ரெண்டும் ஆறாச்சு
ஏக்கத்திலே நான் இங்கே தூங்கி ரொம்ப நாளாச்சு
தாயகம் வந்துடுங்க தக்க துணை நானாச்சு!!

கணவன்:
பாலைவனம் எல்லாமே சோலை வனம் ஆகுதடி
பாயரது நீராக மச்சானின் வேர்வையடி!
பாடுபட்டு சேர்கிறது பைங்கிளியே எதுக்கடி?
பாவை உனக்கு அல்லாமே பாரிலே யாருக்கடி?

மனைவி:
துல்ஹச் மாதத்திலே கடிதம் ஒண்ணு போட்டிங்க
நலமா சுகமானு பாசம் வச்சு கேட்டிங்க!
இங்கே எனக்கு என்னை குறை!
இருக்கிறேன் நாயகனே இன்னும் நான் சாகவில்லை!!!

கணவன்
:ஈச்சமர தோப்புக்குள்ளே எழுந்தாச்சு கட்டிடமே
ஈரைந்து மாதத்திலே தீர்ந்து விடும் ஒபந்தமே!!
ஆக்க பொருத்தவளே ஆறப் பொறு ரத்தினமே!
கண்ணுக்குள்ள வாழ்பவேளே,கல்புக்குள்ளே வாழ்பவளே
இன்சா அல்லா விரைவில் வருவேன்; உன் இஸ்டம் போல
நினைத்தது எல்லாம் தருவேன்.

இந்த பாடலை கேட்க

http://ww.smashits.com/music/tamil/play/songs/7359/thamizhagathu-daruhakkal-vol-2/68335/KAPPALUKKU_PONA.html

ஈச்சமர தோப்புக்குள்ளே எழுந்தாச்சு கட்டிடமே
ஈரைந்து மாதத்திலே தீர்ந்து விடும் ஒப்பந்தமே!!
ஆக்க பொருத்தவளே ஆறப் பொறு ரத்தினமே!
இன்னும் கொஞ்ச நாட்களால ஊருக்கு நான் வந்திடுவேன் சூப்பர் பாடல் தோழரே

எத்தனை முறை கேட்டாலும் இன்று வரை சலிக்கவில்லை.
இந்த பாடலை கேட்கும் பொது உதடு சிரிக்கிறதே தவிர உள்ளம் இல்லை..

kiwi boy wrote:எத்தனை முறை கேட்டாலும் இன்று வரை சலிக்கவில்லை.
இந்த படலியா கேட்கும் பொது உதடு சிரிக்கிறதே தவிர உள்ளம் இல்லை..

இப்போது நான் எனது வீட்டில் சத்தமாக கேட்டுக்கொண்டிருக்கிறேன் தோழரே வீட்டில் உள்ளோர் சிரிக்கும் அளவுக்கு பாடல் சத்தம்

நல்ல பாடல்!

kiwi boy wrote:எத்தனை முறை கேட்டாலும் இன்று வரை சலிக்கவில்லை.
இந்த பாடலை கேட்கும் பொது உதடு சிரிக்கிறதே தவிர உள்ளம் இல்லை..

:,”,: :,”,: