நட்சத்திர வைரம்

by **அ.இராஜ்திலக்** Mon 31 Oct 2011 - 12:37

நேற்று சிக்கன நாளினை
கடைபிடிக்க நினைத்தேன்

செலவாக்கி வைத்து விட்டது
உன் வரவு

பல்லாயிரமாய், பல லட்சமாய்
பலகோடியாய், பலவாய்
உன் ஒற்றை சிரிப்பே
பூத்து
வைத்துவிட்டதே

நேற்று நேரில்வந்த
உன் மூச்சின் நறுமணம்
இப்போதும்
என் இரத்தத்தில்
வண்ணம் பூசி கொண்டு இருக்கிறது

அத்தனைக்கும் பரிசாகத்தானே
வைரம் வாங்கி
உன் மூக்குத்தியாக தந்தேன்

தேவைப்படும்போது
திருப்பி வாங்கிகொள்கிறேன்
உன் மூச்சில் நனைத்த
மூக்குத்தியை
திருப்பி தந்துவிட்டாய்
ஆசைக்கு ஆசையாய்

யாருக்கும் தெரியாமல்
இப்பவும் போட்டுகொண்டு இருக்கிறேன்.
அந்த மூக்குத்தியை .