மாற்றம்

by **puthuvaipraba** Wed 2 Nov 2011 - 7:54

"அமைச்சர் பங்களா
கட்டுவதற்கு முன்னால்
இங்கு ஒரு பெருவெளி இருந்தது"
மகன் பேரனிடம் சொன்னார்.

"இந்த பெருவெளிக்கு முன்னர்
இவ்விடம் மணல்மேடுகளோடு
நிறைந்திருந்தது "
நான் மகனுக்கு சொன்னேன்

"இங்கு ஒரு நதி ஓடிக்கொண்டிருந்தது"
என் தந்தை எனக்கு சொன்னார்.

புதுவைப்பிரபா

(இக்கவிதை “கல்கி” வார இதழின் கவிதை கபே பகுதியில் வெளிவந்தது)

by **நண்பன்** Wed 2 Nov 2011 - 9:18

நதி மணல் மேடாகி
மணல் மேடு பெருவெளியாகி
இப்போது அமைச்சரின் பங்களா
நிதர்சனம் உங்கள் வரிகள்
மாற்றம் 331844

by **puthuvaipraba** Wed 2 Nov 2011 - 9:22

பாராட்டியிருக்கீங்க அன்பா. . .நன்றி நண்பா. . .

by **நேசமுடன் ஹாசிம்** Wed 2 Nov 2011 - 9:26

இந்த மாற்றத்தில் ஒருவிடயம் வெளிப்படை உண்மை அமைச்சரானதால் பொதுநிலமான ஆறு ஓடிக்கொண்டிருந்த அந்த இடத்தை தனதாக்கி கட்டிடம் கட்டிக்கொண்டார் என்பது புலப்படுத்தும் படியான அருமையான கவிதை பாராட்டுகள் கவிஞரே