பசுபிக் பெருங்கடல்

பசுபிக் பெருங்கடல்
பூமியில் மிகப்பெரிய பெருங்கடல் பசுபிக் பெருங்கடல். இது பூமியின் 3 இல் 1 பகுதியில் பரந்து விரிந்துள்ளது. வடக்கே ஆட்டிக் துருவத்திலிருந்து தெற்கே அந்தாட்டிக்கா வரை நீண்டுள்ளது. அப்பெருங்கடல் ஆசியா, அவுஸ்திரேலியா, வட, தென் அமெரிக்கா கண்டங்களுக்கிடையே விரிந்துள்ளது. இப்பெருங்கடலில் 20,000 எரிமலைத் தீவுகளும், பவளத் தீவுகளும் உள்ளன.

மிக ஆழமான பெருங்கடலும் இதுவே. மரியானா (Mariana) என்ற நீண்ட ஒடுக்கமான பள்ளத்தின் ஆழம் 11,033 மீற்றர் (36,197 அடி) இப்பெருங்கடலின் வழியே மிக முக்கியமான வாணிபம் நடைபெறுகிறது. ஏனெனில், இதன் கரையில் உலகத்தின் செல்வம் மிக்க நாடுகள் பல உள்ளன. பசுபிக் என்றால் அமைதி என்று பொருள். ஆனால், இப்பெருங்கடலில் வலிமைமிக்க நீரோட்டங்கள் செல்கின்றன. வானிலை மாற்றத்திற்கு அவை பெரும் காரணமாக உள்ளன.

பசுபிக் பெருங்கடல் – சில உண்மைகள் -

பரப்பு – 16,52,41,000 சதுர கி. மீ. (6,38,00,000 சதுர மைல்கள்)

சராசரி ஆழம் – 4,200 மீ (13,800 அடி)

தீவுகளின் எண்ணிக்கை - 20,000 – 30,000

உயரமான மலை - ஹவாய் தீவில் உள்ள மெளனாயாகி (Mauna kea)

உயரம் – 10,205 மீ (27,605 அடி)

பசுபிக்கில் உள்ள தீவுகள்

பசுபிக் பெருங்கடலில் பல பெரிய தீவுக் கூட்டங்கள் இருக்கின்றன. தென் பசுபிக்கில் நியுகினியா New guinea), நியூகாலிடோனியா (New caledonia), சொசைட்டி தீவுகள் Society Island), சாலோமன் தீவுகள் (Salomon Island), முதலிய தீவுகள் இருக்கின்றன. வட பசுபிக்கில் ஹவையா Hawaiiah) தீவுகள், பிலிப்பைன் தீவுகள், ஜப்பான், மேரியானா முதலிய தீவுகள் இருக்கின்றன.

பவளத் தீவுகள் – (Coral Island)

வெப்பம் மிகுந்த தெற்கு பசுபிக் பெருங்கடல் பவளப் பாறைகள் உண்டாக உதவுகிறது. ஆயிரக் கணக்கான தீவுக் கூட்டங்கள் பவளப் பாறைகளாலும் பவளப் படிவங்களாலும் ஆனவை. பெரும்பாலான பவளத் தீவுகள் அளவில் சிறியன.

ஹவாய் தீவுகள் (Hawaii Islands)

இத்தீவுக் கூட்டங்கள் அமெரிக்க ஐக்கிய நாட்டின் ஆளுகைக்கு உட்பட்டவை. எரிமலைகளால் புதிய தீவுகள் உண்டாகின்றன. ஹவாயில் உள்ள 2 எரிமலைகள் எரிமலைக் குழம்பை (Lava) காற்றில் கலந்து பீச்சி அடிக்கின்றன.