மழைக்கால ஆசை

by **அ.இராஜ்திலக்** Fri 4 Nov 2011 - 11:05

மண்கரையாய் இருந்த வடவாறு
இப்போதும் காத்திருகிறது
ஈச்சமரங்களை அப்புறபடுத்திய
செயற்கையான
கற்களை வைத்து கட்டிய
படிதுறைகளோடு

நுரைகளோடு வரும் தண்ணீரின் வரத்து
மதில்களை கண்டவுடன்
மௌனித்து விடுகிறது

அப்போது
சுழல்களோடு சேர்ந்தேயிருக்கும்
கெண்டை மீன்களின் துள்ளலும்
குளிரையும் பொருட்படுத்தாது
நான்
மூழ்கி எழுந்திருக்கையில்
கால்சட்டை பைகளில்
எஞ்சியிருக்கும் இறாலும்
மீசையை வைத்து கொண்டு
என் சிறுவயதை கிண்டல்
செய்தது நினைவிருக்கிறது

தாத்தாவின் கைபிடித்து
குளிக்கும் பழக்கத்தில்
காலத்தை மறந்து போன
மாற்றத்தில் வளர்ந்து இருக்கிறேன்

பலமுறை
அவரது தோளின் மீது
ஏறி நின்று குதித்து
அலைகளை எழுப்பி சிரித்தது
இப்போது என் பல்
கொட்டும் வயதிலும்
ஒருவாய் ஆற்று நீர்
கொப்பளிக்க கேட்கிறது

இப்போது
பரவாயில்லை மயானமும்
அதே ஆற்றங்கரையில்
இருப்பதால்
சட்டத்தினை மீறி மணல் அள்ளியவர்களால்
கரையும் களைந்து போய் இருக்கிறது

என் ஆசைக்கு
இதேபோன்ற ஒரு மழைகாலத்தில்
எந்த மாநிலத்திடமிருந்தும்
கையேந்தாமல் வரும்
வெள்ளபெருக்கில்
இறந்தால் கூட
ஒருவாய் ஆற்றுநீர் கிடைக்கலாம்

அங்கு
புதைக்கவோ எரிக்கவோ போகையில்

by **kalainilaa** Fri 4 Nov 2011 - 11:07

இப்போது
பரவாயில்லை மயானமும்
அதே ஆற்றங்கரையில்
இருப்பதால்
சட்டத்தினை மீறி மணல் அள்ளியவர்களால்
கரையும் களைந்து போய் இருக்கிறது
நினைவுகள் சொல்லும் நிஜம் ,பாரட்டுக்கள் தோழரே .

by **lafeer** Fri 4 Nov 2011 - 12:39

அருமையாக உள்ளது நன்றி சார்

by **பாயிஸ்** Fri 4 Nov 2011 - 17:34

என் ஆசைக்கு
இதேபோன்ற ஒரு மழைகாலத்தில்
எந்த மாநிலத்திடமிருந்தும்
கையேந்தாமல் வரும்
வெள்ளபெருக்கில்
இறந்தால் கூட
ஒருவாய் ஆற்றுநீர் கிடைக்கலாம்

அங்கு
புதைக்கவோ எரிக்கவோ போகையில்

மழையில் பட்டு கறைந்திடாமல் இருக்கட்டும் அருமையாக உள்ளது நன்றி