தனது கண்டுபிடிப்புகளை திருடியதாக ஆப்பிள் நிறுவனம் மீது அமெரிக்க விஞ்ஞானி வழக்கு

தனது கண்டுபிடிப்புகளை கணனி, ஐபொட், ஐபோன்களில் திருடி பயன்படுத்தியதாக பிரபல அப்பிள் கம்ப்யூட்டர்ஸ் நிறுவனம் மீது அமெரிக்க விஞ்ஞானியொருவர் வழக்குத் தொடர்ந்துள்ளார்.

மிரர் வேர்ல்ட்ஸ் என்ற தொழில்நுட்ப ஆராய்ச்சி நிறுவனத்தை நடத்திவரும் அமெரிக்காவின் உட் பிரிட்ஜ் பகுதியைச் சேர்ந்த டேவிட் ஜெலர்ட்னர் என்பவரே இவ்வாறு வழக்குத் தொடர்ந்துள்ளார்.

தனது கண்டுபிடிப்புகளை திருடி கணனி, ஐபோன், ஐபொட்களில் சமீபத்தில் மறைந்த ஸ்டீவ் ஜொப்சின் அப்பிள் நிறுவனம் பயன்படுத்தி அதிக லாபம் ஈட்டுவதாக வழக்குத் தொடர்ந்துள்ளார். இதற்கு முன் அதே குற்றச்சாட்டில் வழக்கு தொடர்ந்தார். டேவிட் அதில் அவரது பக்கம் ஆதாரம் இருப்ப தாக கூறிய விசாரணை நீதிமன்றம் ரூ. 62.5 கோடி டொலர் இழப்பீடு வழங்குமாறு அப்பிள் நிறுவனத்துக்கு உத்தரவிட்டது. அதை எதிர்த்து தொடரப்பட்ட வழக்கில் கடந்த ஏப்ரலில் தீர்ப்பு வெளியானது.

காப்புரிமை பெற்ற டேவிட்டின் கண்டுபிடிப்புகள் ஆப்பிள் நிறுவன தயாரிப்புகளின் தொழில்நுட்பங்களுடன் பொருந்துவது உண்மைதான். எனினும் அவை திருடி பயன்படுத்தப்பட்டதற்கான ஆதாரம் சமர்ப்பிக்கப்படவில்லை என்று கூறி இழப்பீடு வழங்குவதை நிராகரித்தது.

இது பற்றி டேவிட்ட கூறுகையில், அப்பிள் நிறுவனத்தை எதிர்த்து தொடர்ந்த வழக்கில் ரூ. 62.5 கோடி டொலர் இழப்பீடு வழங்க தீர்ப்பு வந்ததும் அமெரிக்க மக்கள் அனைவரும் என்னையே பார்ப்பதாக உணர்ந்தேன். தனியார் விமான நிறுவனம் ஒன்று போன் செய்து, தனது பணக்கார பயணிகள் பட்டியலில் சேருமாறு அழைப்பு விடுத்தது.

ஆனால் 4 மாதங்களில் நிலைமை தலைகீழானது. மேல் முறையீட்டில் எனது தொழில்நுட்பம் கொப்பி அடிக்கப்பட்டதை ஏற்பதாக அறிவித்தும் ஆதாரமில்லை என்று கூறி நிராகரித்ததில் வானத்தில் இருந்து கீழே விழுந்தது போல இருந்தது.

எனினும் மனம் தளராமல் மீண்டும் வழக்கு தொடர்ந்துள்ளேன் என்றார்.

1993ல் போட்டி நிறுவனங்களை சேர்ந்த யாரோ அனுப்பிய பார்சல் குண்டு வெடித்து ஒரு கண் பார்வை இழந்ததுடன் பலத்த காயம் அடைந்தவர் டேவிட் ஜெலர்டனர் என்பது இங்கு குறிப்பிடத் தக்க விடயமாகும்.