அத்வானியை கொல்ல சதி: போலீஸ் பக்ருதீன் கைது இல்லை; ஐகோர்ட்டில் அரசு வக்கீல் தகவல்

by **நண்பன்** Thu 10 Nov 2011 - 12:18

சென்னை மண்ணடியைச் சேர்ந்த அப்துல்லா என்பவர் ஐகோர்ட்டில் ஆட்கொணர்வு
மனு ஒன்றை தாக்கல் செய்துள்ளார். அந்த மனுவில் கூறி இருப்பதாவது:-

கடந்த
2-ந்தேதி சி.பி.சி.ஐ.டி. போலீசார் போலீஸ் பக்ருதீனை கைது செய்தனர். ஆனால்
இதுவரை அவரை கோர்ட்டில் ஆஜர்படுத்தவில்லை. அவரை சட்ட விரோத காவலில்
போலீசார் சிறை வைத்துள்ளனர். போலி என் கவுண்டரில் அவரை சுட்டுக் கொல்ல
போலீசார் திட்ட மிட்டு இருப்பதாக தகவல் கிடைத்து உள்ளது. ஆகவே போலீஸ்
பக்ருதீனை கோர்ட்டில் ஆஜர்ப்படுத்தி விடுதலை செய்ய உத்தரவிட வேண்டும்.

இவ்வாறு அந்த மனுவில் கூறியிருந்தார்.

இந்த
மனு நீதிபதிகள் நாகப்பன், சுதந்திரம் முன்பு விசாரணைக்கு வந்தது. அப்போது
அரசு வக்கீல் மகாராஜன் ஆஜராகி போலீஸ் பக்ருதீனை போலீசார் இதுநாள் வரை கைது
செய்யவில்லை என்று தெரிவித்தார். இந்த வாதத்தை மனுவாக தாக்கல் செய்யும்படி
கூறிய நீதிபதிகள் விசாரணையை இன்று பிற்பகலுக்கு ஒத்தி வைத்தார். அத்வானி
கொல்ல பைப் வெடிகுண்டு வைத்த சதியில் போலீஸ் பக்ருதீனுக்கு தொடர்பு
இருப்பதாக குற்றம் சாட்டப்பட்டுள்ளது.