அதிக விலையில் புத்தகங்கள் கொள்வனவு

அண்ணா நூற்றாண்டு நூலகத்துக்காக
அதிக விலையில் புத்தகங்கள் கொள்வனவு



அண்ணா நூற்றாண்டு நூலகத்துக்கு சந்தை விலையை விட அதிக விலை கொடுத்து புத்தகங்கள்
வாங்கப்பட்டுள்ளது தகவலறியும் உரிமைச் சட்டத்தின் கீழ் தெரியவந்துள்ளது. இதனால்
அரசுக்கு பல கோடிகள் இழப்பு ஏற்பட்டிருக்கும் என்றும் கூறப்படுகிறது. உள்ளூர் நூலக
ஆணைக் குழு ஊழியர்கள் நலச் சங்கத்தின் தலைவர் அறிவரசு பாண்டியன் தகவலறியும் உரிமைச்
சட்டத்தின் கீழ் சில தகவல்களை கோரி பெற்றுள்ளார். அதன் விபரம்:
குறிப்பாக, பிராடிகல்ஸ், ராடிகல்ஸ் இன் எக்சைடைட் ஸ்டேட்ஸ் என்ற புத்தகம் வெளிச்
சந்தையில் ரூ. 89,319 என்று விலை நிர்ணயிக்கப்பட்டுள்ளது. இந்தப் புத்தகம் ரூ.
1,44,098க்கு வாங்கப்பட்டுள்ளது. அதேபோல ஜியோலைட் ஸ்ட்ரக்சர் கோட்ஸ் என்ற புத்தகம்
ரூ. 70 ஆயிரம் அதிகமாக கொடுத்து ரூ. 1 இலட்சத்து 77 ஆயிரத்துக்கு வாங்கப்பட்டுள்ளது.

இதன் காரணமாக அரசுக்கு பல கோடி ரூபா இழப்பு ஏற்பட்டிருக்கலாம் என்று தெரிகிறது.
அண்ணா நூற்றாண்டு நூலகத்துக்கு புத்தகங்களை வாங்க விலை மனு கோரப்பட்டதா என்ற
கேள்விக்கு, விலை மனு கோரப்படவில்லை என்றும், நிபுணர் குழுவின் பரிந்துரையின்
அடிப்படையில் புத்தகங்கள் வாங்கப்பட்டதா கவும் பதில் அளிக்கப்பட்டுள்ளது. எனவே, இது
விதிகளுக்கு எதிரானது ஆகும்.
அண்ணா நூற்றாண்டு நூலகத் திறப்பு விழாவுக்கு ரூ. 1 கோடி வரை செலவிடப்பட்டுள்ளது.
விழாவில் பங்கேற்றவர்களுக்கு நினைவுப் பரிசு வழங்க ரூ. 23 இலட்சமும், உணவுக்கு ரூ.
9.8 இலட்சமும் செலவிடப்பட்டுள்ளன.