11 இலட்சம் மரக்கன்றுகள் நடத் திட்டம் 15 ஆம் திகதி நாடு முழுவதும் ஆரம்பம்

by **நண்பன்** Sun 13 Nov 2011 - 8:54

ஜனாதிபதியின் 65 ஆவது பிறந்த தினம்;

11 இலட்சம் மரக்கன்றுகள் நடத் திட்டம் 15 ஆம் திகதி நாடு முழுவதும் ஆரம்பம்

(ஒலுவில் விசேட நிருபர்)

ஜனாதிபதி மஹிந்த ராஜபக்ஷவின் 65 ஆவது பிறந்த தினத்தை முன்னிட்டு எதிர்வரும் 15 ஆம்
திகதி நாடு பூராகவும் பதினொரு இலட்சம் மரக் கன்றுகளை நடுவதற்கு சுற்றாடல் அமைச்சு
நடவடிக்கை எடுத்துள்ளது.

மஹிந்த சிந்தனையின் எதிர்கால நோக்கத்திற்கமைய, மரக்கன்றுகளை
நடுவதன் மூலம் இலங்கை யின் சுற்றாடல் பாதுகாப்பை மேம்படுத்தும் நோக்கில் இத் தேசிய
வேலைத் திட்டம் வருடா வருடம் நடைமுறைப்படுத்தப்பட வுள்ளது.

தேசிய மர நடுகை வேலைத்
திட்டத்தினை பாடசாலைகளிலும் அன்றைய தினம் மேற்கொள்ளுமாறு கல்வி அமைச்சின் செயலாளர்
எச்.எம் குணசேகர சகல பாடசாலை அதிபர்களுக்கும், வலயக் கல்விப் பணிப்பாளர்கள், மாகாணக்
கல்விப் பணிப்பாளர்கள் ஆகியோருக்கும் கடிதங்களை அனுப்பி வைத்துள்ளார்.
அலுவலக வளாகம், நெடுஞ்சாலைகளின் இரு மரங்குகள், கைவிடப்பட்ட காணிகள், குளக்கரைகள்,
பள்ளத் தாக்குகள் உள்ளிட்ட இடங்களில் மரக்கன்றுகளை நடுமாறு அறிவிக்கப்பட்டுள்ளது.

ஒவ்வொரு வருடமும் நவம்பர் மாதம் 15 ஆம் திகதியில் இவ்வேலைத் திட்டம் நாடு பூராகவும்
அமுல்படுத்தப்பட வேண்டும் எனவும் சுற்றாடல் அமைச்சு அறிவித்துள்ளது.

by **நேசமுடன் ஹாசிம்** Sun 13 Nov 2011 - 9:01

வரவேற்கத்தக்க செய்தி நாடு வளம்பெறட்டும்

11 இலட்சம் மரக்கன்றுகள் நடத் திட்டம் 15 ஆம் திகதி நாடு முழுவதும் ஆரம்பம்

11 இலட்சம் மரக்கன்றுகள் நடத் திட்டம் 15 ஆம் திகதி நாடு முழுவதும் ஆரம்பம்

Re: 11 இலட்சம் மரக்கன்றுகள் நடத் திட்டம் 15 ஆம் திகதி நாடு முழுவதும் ஆரம்பம்