வர வேண்டாம்

by **itzyasar** Mon 14 Nov 2011 - 21:40

வெற்று அறையில்
ஒற்றையாய் நின்று
உனக்குப் பிடித்த
வாசனைத் திரவியத்தை
நான் வாசம் பிடித்து!

கழட்டிவைத்த உன்
அழுக்குச் சட்டையை
இறுக்கப் பிடித்து;
நீர் கோர்த்த
விழிகள் இரண்டையும்
இமைகள் பிசைந்து;
குலுங்கி அழும்போதுக்
கூடவே மூக்கும் சேர்ந்து!

நீ நாடுவிட்டு நாடுச்
செல்வதால்;
நாதியற்று விசாலமான
அறையில் நான் ஓரமாய்;

சிவந்த விழியும்
சிந்திய மூக்கும் கண்டு;
அம்மாவும் அக்காவும்
அணைத்து ஆறுதல் அரும்பும்;
அனுபவம் உரைக்கும்;
இப்படித்தான் கொஞ்சக்காலம்
இருக்குமென்று!

மரத்துப்போனத் தழும்புகளும்;
வெறுத்துப் போன வலிகளும்;
பழகிவிட்ட இவர்களுக்கும்
சேர்த்து நான் அழுகிறேன்;
வரவேண்டாம் என் பிள்ளைக்கு
ஒருக்காலமும் இதுப்போல்!

by **நண்பன்** Mon 14 Nov 2011 - 21:50

வரவேண்டாம் என் பிள்ளைக்கு
ஒருக்காலமும் இதுப்போல்!

நானும் இறைவனிடம் மன்றாடுகிறேன்
வரவேண்டாம் என் பிள்ளைக்கு
ஒருக்காலமும் இதுப்போல்!
@. @.

by *சம்ஸ் Mon 14 Nov 2011 - 21:52

என் உள்ளத்தில் உள்ள வடுக்களை கண்முன் நின்று பார்த்தது போல் உணர்கிறேன் நான் உங்களின் வரிகளின் மூலம்.
வரிகள் என்னை தாலாட்டி தடவி செல்கிறது வாழ்த்துகள் தோழரே.

by Sponsored content

வர வேண்டாம்

வர வேண்டாம்

Re: வர வேண்டாம்

Re: வர வேண்டாம்

Re: வர வேண்டாம்