இலங்கையில் உடல் அவயவங்களை பொருத்தும் நிலையம்

இலங்கையில்
உடல் அவயவங்களை
பொருத்தும் நிலையம்



மர்லின் மரிக்கார்

இலங்கையில் உடல் அவயவங் களைப் பொருத்தும் செயற்பாடுகளை முகாமை செய்வதற்கான மத்திய
நிலையமொன்று விரைவில் இந்நாட்டில் அமைக்கப்படும் என்று சுகாதார அமைச்சர்
மைத்திரிபால சிறிசேன தெரிவித்தார்.
இந்த நிலையத்தை அமைப்ப தற்கான தொழில்நுட்ப உதவியை ஐக்கிய அமெரிக்காவின் புளோரிடா
மாநிலத்திலுள்ள மயோ கிளினிக் லிவர் ரான்ஸ்பிளான்டேஷன் யுனிட் நிறுவனம் வழங்க
முன்வந்திருப்பதாகவும் அமைச்சர் குறிப்பிட்டார்.

இவ்வாறானதொரு மத்திய நிலைய மொன்றை
அமைப்பது இலங்கைக்கு உடனடியாகத் தேவையாக இருப்பதுடன், இதற்குத் தேவையான நிபுணத்துவக்
குழுவொன்றை நியமித்திருப்பதாகவும் அமைச்சர் சுட்டிக்காட்டினார்.
இந்த நிலையத்தை அமைப்பதற்குத் தேவையான ஆலோசனை அறிக்கையை இரண்டு மாதங்களுக்குள்
தமக்கு சமர்ப் பிக்குமாறு இக்குழுவிடம் தாம் கேட்டிருந்த போதிலும், அது உரிய
காலத்தில் கிடைக் கப்பெறவில்லை என்றும் அமைச்சர் தெரிவித்தார். இலங்கையில் ஈரல்,
சிறுநீரகம் போன்ற அவயவங்களைப் பொருத்தும் செயற்பாடுகள் பெருமளவில் இடம்பெற்று
வருகின்றன.

இருப்பினும் அந்த அவயவங்களைப் பெற்றுக்கொள்வதில் ஒழுங்குமுறையைப்
பின்பற்ற வேண்டிய தேவை உள்ளது. உலகின் பல நாடுகளில் அவயவங்களைப் பொருத்தும் செயற்
பாடுகளை முகாமை செய்வதற்கான மத்திய நிலையங்கள் அமைக்கப்பட்டுள்ளன. ஆனால் இத்தகைய
நிலையமொன்று இற்றைவரையும் இலங்கையில் அமைக் கப்படாதது கவலைக்குரிய விடயமென்றும்
அமைச்சர் கூறினார்.