ஜப்பான் உதவியுடன் இலங்கையில் மற்றொரு அனல் மின் நிலையம்

by **நண்பன்** Wed 13 Mar 2013 - 8:53

ஜப்பான் உதவியுடன் இலங்கையில் மற்றொரு அனல் மின் நிலையம்
500 மெகா வோட் மின் உற்பத்தி
2018 இல் தேசிய மின் கட்டமைப்பில் இணைப்பு

ஜப்பான் நிதி உதவியுடன் இலங்கையில் புதிதாக 500 மெகா வோட் அனல் மின் உற்பத்தி நிலையமொன்றை அமைக்க திட்டமிட்டுள்ளதாக மின்சக்தி எரிசக்தி அமைச்சின் செயலாளர் எம். எம். சீ. பேர்டினன்டஸ் தெரிவித்தார்.

ஜப்பான் தொழில்நுட்பத்துடன் கூடியதாக புதிய அனல் மின் நிலையம் நிர்மாணிக்கப்பட உள்ளது. 2018 ஆம் ஆண்டில் இந்த அனல் மின் நிலையத்தினூடாக 500 மெகா வோர்ட் மின்சாரம் தேசிய மின் கட்டமைப்புடன் இணைக்கப்பட உள்ளதாகவும் அவர் குறிப்பிட்டார்.

ஜனாதிபதியின் ஜப்பான் விஜயத்தின் போது இது தொடர்பில் ஆராயப்பட்டு ஒப்பந்தம் கைச்சாத்திடப்பட உள்ளதாகவும் அவர் கூறினார். நாட்டின் மொத்த மின்சாரத் தேவையில் 80 வீதம் எரிபொருள் மூலமே உற்பத்தி செய்யப்படுகிறது.

இதற்கு கூடுதல் செலவு ஏற்படுவதால் அனல் மின் நிலையங்கள் குறித்து கூடுதல் கவனம் செலுத்தப்பட்டுள்ளது. அதிகரித்து வரும் மின்சார கேள்வியை நிறைவு செய்யும் வகையில் புதிதாக சம்பூரில் 500 மெகா வோர்ட் மின் உற்பத்தி நிலையம் நிர்மாணிக்கத் திட்டமிடப்பட்டு ள்ளது. இது தவிர ஜப்பான் உதவியுடன் 500 மெகா வோர்ட் மின் உற்பத்தி நிலையம் அமைக்க உள்ளதாக செயலாளர் கூறினார்.