இலங்கை அணியுடனான 1996 ஆம் ஆண்டு உலக கிண்ணப் போட்டியில் கிரிக்கெட் சூதாட்டமா?

by *சம்ஸ் Sat 19 Nov 2011 - 6:26

இலங்கை அணியுடனான 1996 ஆம் ஆண்டு உலக கிண்ணப் போட்டியில் கிரிக்கெட் சூதாட்டமா?
இலங்கை கிரிக்கெட் அணியுடன் 1996 ஆம் ஆண்டு இந்தியாவில் இடம்பெற்ற உலக கிண்ண கிரிக்கெட் போட்டியின் அரையிறுதி போட்டியில், கிரிக்கெட் சூதாட்டம் இடம்பெற்றிருக்கலாம் என்று இந்திய அணியின் முன்னாள் துடுப்பாட்ட வீரர் வினோத் கம்ப்லி சந்தேகம் வெளியிட்டுள்ளார்.

இந்த போட்டியில் இந்திய அணியின் தலைவராக செயற்பட்ட அஸாருதீன் முதலில் களத் தடுப்பை மேற்கொள்ள தீர்மானித்தமை சிறந்த முடிவல்ல.

இது கிரிக்கெட் சூதாட்ட சதியின் ஒரு கட்டம் என்று கம்ப்லி குறிப்பிட்டுள்ளார்.

ஓட்ட இலக்கான 252 என்ற இலக்கை அடைய இந்திய அணி துடுப்பெடுத்தாடிய போது ஒரு கட்டத்தில் இந்திய அணி ஒரு விக்கெட்டை மாத்திரம் இழந்து 98 ஓட்டங்களை பெற்றிருந்தது. எனினும் 120 ஓட்டங்களுக்குள் 8 விக்கெட்டுக்கள் இழக்கப்பட்டன.

இதில் அஸாருதீனும் ஜடேஜாவும் ஓட்டமெதுவும் பெறாமல் ஆட்டமிழந்தனர்.

இந்த நிலையில் இறுதிப் போட்டிக்கான வாய்ப்பு நழுவிப் போனமை காரணமாக தாமும் அணியின் ஏனையோரும் அழுததாக கம்ப்லி குறிப்பிட்டுள்ளார்.

அஸாருதீனும் ஜடேஜாவும் ஏனைய போட்டிகளில் ஆட்ட நிர்ணயத்தில் ஈடுபட்டனர் என்று குற்றம் சுமத்தப்பட்டு போட்டித் தடைக்கு உட்பட்டிருந்தனர்.

இந்த நிலையிலேயே கம்ப்லியின் புதிய சந்தேகம் பரபரப்பை ஏற்படுத்தியுள்ளது.