கடாபி உளவுப் பிரிவு தலைவர் சனூசியும் பிடிபட்டார்

by *சம்ஸ் Tue 22 Nov 2011 - 6:18

கடாபி உளவுப் பிரிவு தலைவர் சனூசியும் பிடிபட்டார்
சைப் அல் இஸ்லாமை தொடர்ந்து லிபிய முன்னாள் தலைவர் முஅம்மர் கடாபி அரசின் உளவுப் பிரிவுத் தலைவர் அப்துல்லா அல் சனூசி இடைக்கால அரசினால் கைது செய்யப்பட்டுள்ளார்.

லிபியாவின் தென் பகுதியில் உள்ள அல் குயிரா பிராந்தியத்தில் வைத்து சனூசி கைது செய்யப்பட்டதாக இடைக்கால அரசு நேற்று முன்தினம் அறிவித்தது. இது குறித்து மேலதிக எந்த தகவலும் வெளியிடப்படவில்லை.

லிபிய முன்னாள் தலைவர் முஅம்மர் கடாபியின் மகன் சைப் அல் இஸ்லாம் கைது செய்யப்பட்டு ஒரு நாளுக்குள் சனூசியும் பிடிபட்டுள்ளார். இதன்படி கடாபி அரசின் முக்கிய பிரமுகர்களில் கடைசி நபராக சனூசி கைது செய்யப்பட்டுள்ளமை குறிப்பிடத்தக்கது.

62 வயதான அப்துல்லா பின் சனூசி முஅம்மர் கடாபியின் மைத்துனராவார். இவர் மீது சர்வதேச குற்றவியல் நீதிமன்றம் பிடியாணை பிறப்பித்துள்ளது. சனூசி மீது கடாபிக்கு எதிரான மக்கள் கிளர்ச்சியின்போது பொது மக்கள் மீது தாக்குதல் நடத்திய குற்றச்சாட்டு சுமத்தப்பட்டுள்ளது. அதேபோன்று 1996 ஆம் ஆண்டு 1000 க்கும் மேற்பட்ட லிபிய சிறைக் கைதிகளை கொலை செய்த குற்றச்சாட்டும் சுமத்தப்பட்டுள்ளது. தவிர, பிரான்ஸ் விமானம் மீது தாக்குதல் நடத்திய குற்றத்திற்காக சனூசிக்கு 1999 ஆம் ஆண்டு பரிஸ் நீதிமன்றம் ஆயுள் தண்டனை விதித்திருந்தது.

by **jasmin** Tue 22 Nov 2011 - 9:54

பாவி பய இன்னுமா இங்க இருக்கான் பக்கத்து நாட்டுக்கு ஓடாம

by **நண்பன்** Tue 22 Nov 2011 - 12:01

62 வயதா பறவாய் இல்லை எல்லாம அனுபவித்து முடிந்து விட்டது
சொல்லுவதற்கு வேறு ஒன்றுமில்லை அதுதான் இப்படி எழுதினேன் யாரும் தவறாக நினைக்க வேண்டாம். கடாபி உளவுப் பிரிவு தலைவர் சனூசியும் பிடிபட்டார் 273751