மட்டு.அம்பாறை நிலைமைகளை பார்வையிட பிரதியமைச்சர் முத்துசிவலிங்கம் இன்று விஜயம்

by **நண்பன்** Tue 18 Jan 2011 - 10:50

மட்டக்களப்பு, அம்பாறைக்கு பொருளாதார
அபிவிருத்தி பிரதி அமைச்சர் முத்துசிவலிங்கம் இன்று செவ்வாய்க்கிழமை
நேரடியாக விஜயம் செய்யவுள்ளார்.

அண்மையில் வெள்ளத்தினால் பாதிக்கப்பட்ட
கிழக்கு மாகாண மக்களுக்கு பொருளாதார அபிவிருத்தி அமைச்சின் கீழ் உலக உணவுத்
திட்டத்தின் ஊடாக 55 மில்லியன் ரூபா உலர் உணவு வழங்கப்பட்டது.

பொருளாதார அபிவிருத்தி பிரதி அமைச்சர்
முத்துசிவலிங்கத்தின் வேண்டுகோளுக்கிணங்க இந்நிதி வழங்கப்பட்டுள்ளது.மேலும்
மூன்று மாத காலத்திற்கு பாதிக்கப்பட்ட மக்களுக்கு நிவாரணம் வழங்கும்
பொருட்டு பிரதி அமைச்சர் மட்டக்களப்பு,அம்பாறைக்கு விஜயம்
மேற்கொள்ளவுள்ளார்.

அங்கு விஜயம் மேற்கொள்ளும் பிரதி அமைச்சர்
மாவட்ட அரச அதிபர்களை சந்தித்து பாதிக்கப்பட்ட மக்களுக்கு மூன்று மாத
காலத்திற்கு தேவையான பொருட்கள் பாதிக்கப்பட்ட மக்களின் நஷ்ட ஈட்டு மதிப்பு
விபரங்களையும் பெற்றுக்கொள்வதுடன் அதற்கான நடவடிக்கையும் அமைச்சர் பசில்
ராஜபக்ஷவுடன் கலந்துரையாடி உடனடியாக ஏற்பாடுகளை மேற்கொள்ளவுள்ளதாகவும்
பிரதி அமைச்சர் தெரிவித்தார்.