கல்லை வெடிவைத்து தகர்த்து புதையல் தோண்டிய ஐவர் கைது

by **நண்பன்** Tue 18 Jan 2011 - 10:57

நிலகம நீலகிரி விகாரைக்கு அருகில் புதையல் தோண்டிக்கொண்டிருந்த ஐவரை கைது செய்துள்ளதாக கலேவெல பொலிஸார் தெரிவிக்கின்றனர்.

கடந்த 14 ஆம் திகதி அதிகாலை 1.30 மணியளவில் இவர்களை கைது செய்ததாகவும் இவர்களில் தொல்பொருள் திணைக்களத்தில் சேவையாற்றி ஓய்வுபெற்ற ஒருவரும் அடங்குவதாகவும் பொலிஸார் தெரிவிக்கின்றனர்.

புதையல் தோண்டிக்கொண்டிருந்த பகுதியை பொலிஸார் சுற்றி வளைத்த வேளையில் சந்தேக நபர்கள் 7 அடி ஆழத்திற்கு பள்ளம் தோண்டியிருந்ததாகவும் ஏதோ ஒருவகை வெடி மருந்தை பயன்படுத்தி அண்மையில் இருந்து கல்லை வெடிக்க வைத்திருந்ததாகவும் தெரிவிக்கப்படுகிறது.

இதேவேளை இவ்விடத்தில் புதையல் தோண்டிய போது பூஜை செய்து கொண்டிருந்தவர் தப்பியோடிவிட்டதாகவும் புதையல் தோண்டுவதற்கு பயன்படுத்தப்பட்ட ஆயுதங்கள் மற்றும் பூஜை பொருட்களை பொலிஸார் கைப்பற்றியுள்ளதாகவும் தெரிவிக்கின்றனர்.

சந்தேக நபர்கள் நீதிமன்றத்தில் ஆஜர்செய்யப்படவுள்ளனர்.