எதிர்ப்பாளர்கள் மீது தாக்குதல் நடத்த சிரிய இராணுவத்திற்கு உத்தரவு

எதிர்ப்பாளர்கள் மீது தாக்குதல் நடத்த சிரிய இராணுவத்திற்கு உத்தரவு;
இதுவரை 256 சிறுவர்கள் பலி
ஐ. நா. புதிய அறிக்கையில் தகவல்
சிரியாவில் அரசு எதிர்ப்பு ஆர்ப்பாட்டக்காரர்கள் மீது தாக்குதல் நடத்த இராணுவம் மற்றும் பாதுகாப்பு படையினருக்கு சிரிய அரசின் உயர் அதிகாரிகள் உத்தரவிட்டுள்ளதாக ஐ. நா. வெளியிட்டுள்ள அறிக்கையில் கூறப்பட்டுள்ளது.

ஐ. நா. மனித உரிமை கவுன்ஸிலின் சிரியா விவகாரங்கள் தொடர்பாக விசாரணை நடத்தும் குழு நேற்று வெளியிட்ட அறிக்கையிலேயே இந்த தகவல் வெளியிடப்பட்டுள்ளது. இதில் சிரியாவில் இடம் பெறும் வன்முறைகள் தொடர்பில் 223 பேரிடம் விசாரணை நடத்திய பின்னரே மேற்படி குழு இந்த அறிக்கையை வெளியிட்டுள்ளது.

சிரிய பாதுகாப்பு படை எதிர்ப்பாளர்களுக்கு எதிராக தாக்குதல்களை நடத்தியுள்ளதோடு துன்புறுத்தல்கள், கற்பழிப்பு, கொலை போன்ற வன்முறைகளிலும் ஈடுபட்டுள்ளதாக அந்த அறிக்கையில் கூறப்பட்டுள்ளது. இதன் போது சிறுவர்களுக்கு எதிராகவும் சிரிய இராணுவம் வன்முறையில் ஈடுபட்டதாக கூறப்பட்டுள்ளது. இதன்படி இதுவரையில் சிரியாவில் குறைந்த பட்சம் 256 சிறுவர்கள் கொல்லப்பட்டுள்ளதாகவும், அதில் இரண்டு வயது சிறுமியும் உள்ளடங்குவதாகவும் அந்த அறிக்கையில் கூறப்பட்டுள்ளது.

ஏற்கனவே சிரியாவில் இடம்பெற்று வரும் வன்முறைகளால் அங்கு 3500 பேருக்கும் மேல் கொல்லப்பட்டுள்ளதாக ஐ. நா. அண்மையில் வெளியிட்ட அறிக்கையில் கூறப்பட்டுள்ளது.

இதேவேளை ஐ. நாவின் புதிய அறிக்கையை தொடர்ந்து பாதுகாப்புச் சபையில் சிரியாவுக்கு எதிராக நடவடிக்கை எடுக்குமாறு அமெரிக்கா, ஜெர்மன் அழைப்பு விடுத்துள்ளன.

“சிரியா மீது பாதுகாப்புச் சபையில் நடவடிக்கை எடுக்கும் காலம் கடந்து விட்டது. இன்னும் தாமதித்தால் பஷர் அல் அசாத்தின் இராணுவத்தின் வன்முறைகள் அங்கு அதிகரிக்கும்” என பாதுகாப்புச் சபையில் ஐ. நா.வுக்கான அமெரிக்க தூதுவர் சுசான் ரைஸ் கூறினார்.

பஷர் அல் அசாத்தின் கொடுமை அதிகரித்து விட்டது இதை உடனே நிறுத்த வேண்டும் மக்கள் கடும் அல்லல் படுகிறார்கள் இங்கு எனது நண்பர்கள் சிரியாவிற்கு செல்ல முடியாமல் தவிக்கிறார்கள் மிகவும் வருத்தமாக உள்ளது.

பஷர் அல் அசாத்தின் நிலை இனி கஸ்டம்தான் மக்கள் அடித்தே கொன்று விடுவார்கள் உயிரைப் பிளைத்து தப்பித்தால் உண்டு இன்னுமின்னும் ஆட்சி செய்ய நினைத்தால் அழிவுதான் ஏற்படும்.

நண்பன் சொல்வது சரிதான் இனி இவர் கிளர்ச்சியாளர்களிடம் மாட்டிக்கொண்டால் மவெனே மாட்டு இறைச்சி கிடங்குதான் கிடைக்கும் ஜனாசா வைக்க

jasmin wrote:நண்பன் சொல்வது சரிதான் இனி இவர் கிளர்ச்சியாளர்களிடம் மாட்டிக்கொண்டால் மவெனே மாட்டு இறைச்சி கிடங்குதான் கிடைக்கும் ஜனாசா வைக்க

கடாபிக்கு ஏற்பட்ட நிலையை விட மோசமாக இருக்கும் மக்கள் அதிகமா அழிந்து கொண்டிருக்கிறார்கள்