பத்மநாப சுவாமி கோயிலில் 58 கமராக்கள் பொருத்தி 24 மணி நேரமும் கண்காணிப்பு

by *சம்ஸ் Fri 2 Dec 2011 - 10:52

பத்மநாப சுவாமி கோயிலில் 58 கமராக்கள் பொருத்தி 24 மணி நேரமும் கண்காணிப்பு
திருவனந்தபுரம்,
பாதுகாப்பு கருதி பத்மநாப சுவாமி கோயிலில் உள்ளும் புறமும் கண்காணிப்பு கமராக்கள் பொருத்தப்பட்டு, தீவிர கண்காணிப்பு பணிகள் தொடங்கியுள்ளன. கேரள தலைநகர் திருவனந்தபுரத்தில் உள்ள, பிரசித்திபெற்ற பத்மநாப சுவாமி கோயில் பாதாள அறைகளில், பல நூறு கோடி ரூபாய் மதிப்புள்ள அரிய பொக்கிஷங்கள் உள்ளன. இதனால், அங்கு பாதுகாப்பை பலப்படுத்த, மாநில அரசுக்கும் கோயில் நிர்வாக அறக்கட்டளைக்கும், உச்ச நீதிமன்றம் உத்தரவிட்டது. மேலும், பொக்கிஷங்களை மதிப்பீடு செய்ய, ஐவர் குழுவையும் நியமித்தது.

மதிப்பீடு பணிகள் தொடங்குவதற்கு முன், கோயிலில் பாதுகாப்பு ஏற்பாடுகள் செய்யப்பட வேண்டிய நிலை உள்ளது. கோயிலுக்கு தற்போது 24 மணி நேரமும் செயல்படும், மூன்றடுக்கு பொலிஸ் பாதுகாப்பு போடப்பட்டுள்ளது.

இதையடுத்து அதிநவீன கண்காணிப்பு கமராக்கள் பொருத்த முடிவு செய்யப்பட்டு, முதல் கட்டமாக, 360 பாகை வரை சுழன்று, கோயிலின் பல்வேறு பகுதிகளை கண்காணிக்கவல்ல, அதிநவீன 58 கமராக்கள் கோயிலில் பொருத்தப்பட் டுள்ளன. கோயிலின் முக்கியப் பகுதிகள் அனைத்திலும் கமராக்கள் பொருத்தப் பட்டு பொலிஸ் கட்டுப்பாட்டு அறையால் கண்காணிக்கப்பட்டு வருகின்றன. கோயி லுக்குள் நுழையும் அனைவரும், தரிசனம் முடிந்து வெளியேறும் வரை, அனைத்து நிகழ்வுகளும் பதிவு செய்யப்பட்டு ஒரு மாதம் வரை பாதுகாக்கப்படும்.