இலங்கை கிரிக்கெட் வீரர்களின் சம்பளம் அடுத்த வாரம் வழங்கப்படும்

இலங்கை கிரிக்கெட் வீரர்களின் சம்பளம் அடுத்த வாரம் வழங்கப்படும்
இலங்கை கிரிக்கெட் வீரர்களின் சம்பளத்தின் ஒரு பகுதி அடுத்த வாரம் வழங்கப்படும் என விளையாட்டுத்துறை அமைச்சர் மஹிந்தானந்த அலுத்கமகே குறிப்பிட்டுள்ளார்.

கடந்த உலகக் கிண்ணம் முதல் இலங்கை அணி வீரர்களுக்கான சம்பளம் இலங்கை கிரிக்கெட் சபையினால் வழங்கப்படவில்லை. உலகக் கிண்ணத்தை தொடர்ந்து இலங்கை அணி மூன்று தொடர்களில் விளையாடியுள்ளது. இந்த போட்டிகளுக்கான கட்டணம், ஒப்பந்த கொடுப்பனவுகள் இன்னும் வழங்கப்படவில்லை.

இந்நிலையில் பி.பி.சி. சிங்கள சேவைக்கு அளித்த பேட்டியில் விளையாட்டுத்துறை அமைச்சர் மஹிந்தானந்த அலுத்கமகே கூறியதாவது; வீரர்களுக்கான சம்பளத்தை வழங்குவதில் ஏற்கனவே நான்கு, ஐந்து மாதங்கள் தாமதித்துவிட்டன.

இதனால் கடந்த செப்டெம்பர் மாதம் தொடக்கம் வீரர்களுக்கு 347 மில்லியன் ரூபா அளவில் வழங்கப்படவேண்டியுள்ளது. இதில் ஒரு பகுதியையாவது அடுத்த வாரம் அளவில் வழங்க திட்டமிட்டுள்ளோம் என்றார்.

கடந்த உலகக் கிண்ண போட்டியை இணைந்து நடத்தியதால் இலங்கை கிரிக்கெட் 23 மில்லியன் டொலர் கடன் சிக்கலை எதிர்கொண்டுள்ளது. இதில் போட்டியை நடத்தியதற்காக சர்வதேச கிரிக்கெட் கவுன்ஸில், இலங்கை கிரிக்கெட் சபைக்கு 4.3 மில்லியன் டொலர்களை வழங்கவேண்டும்.

இதில் ஐ.சி.சி. வழங்க வேண்டிய தொகை கிடைத்ததும் வீரர்களுக்கான சம்பளத்தை வழங்கும் சாத்தியம் ஏற்படும் என இலங்கை கிரிக்கெட் வட்டாரங்கள் தெரிவிக்கின்றன.

இது இன்னும் முடிய வில்லையா