ஆப்கானுக்கு தொடர்ந்து உதவ சர்வதேச நாடுகள் தீர்மானம்

ஆப்கானுக்கு தொடர்ந்து உதவ சர்வதேச நாடுகள் தீர்மானம்
ஆப்கானிஸ்தானிலிருந்து அமெரிக்கா தலைமையிலான பன்னாட்டு படைகள் அடுத்த மூன்று ஆண்டுகளில் விலக்கிக்கொள்ளப்பட்டாலும் தொடர்ந்தும் உதவிகள் அளிக்கப்படும் என அமெரிக்காவும் மேற்கத்தேய நாடுகளும் வாக்குறுதி அளித்துள்ளன.

ஜெர்மனியின் பொன் நகரில் நேற்று முன்தினம் நடைபெற்ற ஆப்கானிஸ்தானின் எதிர்காலம் குறித்த சர்வதேச மாநட்டிலேயே இந்த வாக்குறுதி அளிக்கப்பட்டது. இந்த மாநாட்டில் 100 நாடுகளைச் சேர்ந்த 10000க்கும் மேற்பட்ட பிரதிநிதிகள் பங்கேற்றனர். அத்துடன் 60 நாடுகளின் வெளியுறவுத்துறை அமைச்சர்களும் இம்மாநாட்டில் பங்கேற்றனர்.

எனினும் நேட்டோ தாக்குதலுக்கு எதிர்ப்பு தெரிவித்து பாகிஸ்தான் இந்த மாநாட்டை புறக்கணித்ததோடு, தலிபான் அமைப்பும் பங்கேற்கவில்லை. இந்த மாநாட்டில் உரையாற்றிய ஆப்கான் ஜனாதிபதி ஹமீட் கர்சாயி உரையாற்றும் போது; ஆப்கானிஸ்தானுக்கு நீங்கள் (அமெரிக்காவும் மேற்கத்திய நாடுகளும்) தொடர்ந்து உதவிகளைச் செய்ய வேண்டியது மிகமிக அவசியம் அப்படிச் செய்தால்தான் இப்போது நாம் அடக்கிய பயங்கரவாதிகள் மீண்டும் தலைதூக்காமல் பார்த்துக்கொள்ள முடியும் இந்த உதவிகள் இதே அளவில் இன்னும் 10 ஆண்டுகளுக்காவது தொடர்ந்து கிடைத்துக்கொண்டே இருக்க வேண்டும் என்று வேண்டுகோள் விடுத்தார்.

இதில் தன்னுடைய நாட்டின் பொருளா தாரத் தேவைகளை எதிர்கொள்ளவும் இராணுவ வீரர்களுக்குச் சம்பளம் தரவும் தங்களுக்கு 2015ல் 1,000 கோடி அமெரிக்க மாநாட்டில் கோரிக்கை விடுத்தார். எவ்வளவு தருவோம் என்று திட்டவட்டமாக உறுதி அளிக்காவிட்டாலும் ஆப்கானிஸ் தானுக்கு நிதியுதவி செய்வதாக இந்த மாநாட்டில் பங்கேற்ற நாடுகள் உறுதி கூறியுள்ளன.