மின் வேலியில் சிக்கி இரு காட்டு யானைகள் மரணம்

by *சம்ஸ் Thu 8 Dec 2011 - 6:27

ஸாதிக் ஷிஹான்
சட்ட விரோதமாக அமைக்கப்பட்டிருந்த மின்சார வேலியில் சிக்கி மின்சாரம் தாக்கியதில் காட்டு யானைகள் இரண்டு உயிரிழந்துள்ளன. இந்தச் சம்பவம் அம்பாறை மத்திய முகாம் பிரதேசத்திலுள்ள வீகொட பகுதியில் இடம் பெற்றுள்ளதாக பொலிஸ் ஊடகப் பேச்சாளர், பொலிஸ் அத்தியட்சகர் அஜித் ரோஹன தெரிவித்தார்.

நிலத்தில் போடப்பட்டிருந்த மின் கம்பியில் சிக்கியே உயிரிழந்துள்ளதாக அவர் மேலும் தெரிவித்தார். ந்த சம்பவத்தில் பலியான யானைகள் 20 தொடக்கம் 30 வயதுடையவைகள் என வன ஜீவராசி அதிகாரிகள் தெரிவித்துள்ளனர்.

சட்ட விரோதமாக மின் இணைப்பு கம்பிகளை நிலத்தில் போட்டிருந்த சந்தேக நபர் ஒருவரையும் பொலிஸார் கைது செய்துள்ளனர். இதேவேளை, துப்பாக்கிச் சூடு, மின்சாரம் தாக்கிய சம்பவங்களில் இந்த வருடத்தில் இதுவரை ஐந்து யானைகள் பலியாகியுள்ளதாக வன ஜீவராசிகள் திணைக்களம் தெரிவித்துள்ளது.