தன் பிறந்த நாளை கொண்டாட வேண்டாம் - சோனியா

by **நேசமுடன் ஹாசிம்** Thu 8 Dec 2011 - 7:20

காங்., தலைவர் சோனியா, இந்த ஆண்டு தன் பிறந்த நாளை கொண்டாடுவதில்லை என, முடிவு செய்துள்ளார். நாளை (9ம் தேதி) சோனியாவின், 66வது பிறந்த நாள். இந்நிலையில், பொதுமக்கள் மற்றும் கட்சித் தொண்டர்கள் யாரும், தன் பிறந்த நாளை கொண்டாட வேண்டாம் என, சோனியா வேண்டுகோள் விடுத்துள்ளார்.

சோனியாவை வாழ்த்துவதற்காக, வெகு தொலைவில் இருந்தும், அதிக பணம் செலவு செய்து, கட்சித் தொண்டர்கள் டில்லி வருகின்றனர். இதில், அவர்களுக்கு பல்வேறு சிரமங்கள் ஏற்படுகின்றன. தன்னை வாழ்த்துவதற்காக, கட்சித் தொண்டர்கள் யாரும் சிரமப்படக் கூடாது என்ற நோக்கில், சோனியா இவ்வாறு முடிவு செய்துள்ளார் என, காங்., பொதுச் செயலர் ஜனார்தன் திவேதி கூறியுள்ளார்.