முல்லைப் பெரியாறு விடயத்தில் கட்சி வேறுபாடின்றி இனைந்து செயற்பட வேண்டும் : பொன். இராதாகிருஷ்ணன்

முல்லைப் பெரியாறு அணை பிரச்சனை தொடர்பில் கேரள அரசியல் கட்சித் தலைவர்கள் ஒருமித்து எதிர்ப்பதோடு, பல்வேறு குழப்பங்களையும் உருவாக்கி வருகின்றார்கள்.



இவ்வாறானதொரு நிலையில் தமிழக அரசியற் கட்சிகள் ஒன்றினைந்து நின்று, தமிழகத்தின் ஒற்றுமையை வெளிப்படுத்த வேண்டும்.அவ்வாறான ஒரு நிலையை வெளிப்படுத்துவதற்கு உடனடியாக அனைத்துக் கட்சி கூட்டத்தை கூட்ட வேண்டும் என தமிழக பாரதிய ஜனதா தலைவர் பொன்.ராதாகிருஷ்ணன் தெரிவித்துள்ளார்.

இது தொடர்பில் செய்தியாளர்களிடம் கருத்து த் தெரிவித்த அவர், மேலும் குறிப்பிடுகையில், முல்லைப் பெரியாறு விவகாரம் தொடர்பாக கேரள மாநில அரசியற்கட்கள் அனைத்தும் ஒன்று கூடி, இப்பிரச்சனையை நீதிமன்றத்திற்கு வெளியே தீர்த்துக்கொள்ளவும், அணையின் நீர்மட்டத்தை 120 அடியாக குறைக்கவும், புதிய அணை கட்ட வேண்டும் என்வும் முடிவுகள் எடுத்துள்ளதாக தகவல்கள் வெளிவந்துள்ளன.

இவ்வாறான முடிவுகளால் கேரள அரசியற் தலைவர்கள் இப்பிரச்சனையில் கூமுகமான முடிவினை எட்டுவதற்கு எண்ணவில்லை என்பது தெரிகிறது. இவ்வாறான நிலையில் தமிழகத்தில் அனைத்துக் கட்சிக் கூட்டத்தை உடனடியாக நடத்தி, நமது நிலையினை மத்திய அரசுக்குத் தெரிவிக்க வேண்டும்.

கட்சி வேறுபாடுகளை ஒதுக்கி, மாநில மக்களின் நலன் கருதி, அனைவரும் ஒன்றாக பிரதமரை நேரில் சந்தித்து ஆக்கபூர்வமான யோசனைகளைத் தெரிவித்து நடைமுறைப்படுத்த வலியுறுத்த வேண்டும். அவ்வாறு மத்திய அரசு செயற்படத் தவறும் பட்சத்தில் தமிழக மக்களின் நலன்களைக் கருத்திற் கொண்டு, மத்திய அரசுக்கு திமுக அளித்துவரும் ஆதரவை திரும்பப்பெற வேண்டும் எனவும் அவர் குறிப்பிட்டார்.

பெரிய பிரட்சனையா இருக்கே உண்மை என்ன என்பதை கடைசிவரை மக்களுக்கு சொல்ல மாட்டார்களா

jasmin wrote:பெரிய பிரட்சனையா இருக்கே உண்மை என்ன என்பதை கடைசிவரை மக்களுக்கு சொல்ல மாட்டார்களா

ஆமாம் நானும் எதிர்பார்க்கிறேன் உண்மையான பிரச்சினை இன்னும் தெளிவில்லாமல் இருக்கிறது