முல்லைப் பெரியாறு அணை பிரச்னையை 5 நிமிடத்தில் தீர்த்து விடலாம்

முல்லைப் பெரியாறு விவகாரம் குறித்து, பேச்சுவார்த்தை நடத்த தமிழக அரசு முன்வந்தால், 5 நிமிடத்தில் பிரச்னையை தீர்த்துவிடலாம் என கேரள முதல்வர் உம்மன் சாண்டி கூறியுள்ளார்.
கேரள முதல்வர் உம்மன்சாண்டி கோட்டயத்தில் நடந்த மக்கள் சந்திப்பு நிகழ்ச்சியில் கலந்து கொண்டார். அப்போது அவர் கூறியதாவது:
முல்லைப் பெரியாறு அணை பிரச்னைக்கு பேச்சு வார்த்தை மூலம் தீர்வு காண கேரளா தயாராக இருக்கிறது.

பேச்சுவார்த்தையால் தீர்க்க முடியாத பிரச்னை எதுவும் கிடையாது. ஆனால் தமிழ்நாடு பேச்சுவார்த்தைக்கு மறுத்து வருகிறது. இரு மாநிலத்தை சேர்ந்தவர்களும் ஒன்றாக அமர்ந்து பேசினால் 5 நிமிடத்தில் பிரச்னையை தீர்த்து விடலாம். இந்த விவகாரத்தில் தமிழ்நாட்டுடன் எந்த சூழ்நிலையிலும் மோதல் போக்கை ஏற்படுத்த கேரளா விரும்பவில்லை.
தமிழ்நாட்டுடன் சுமூக நிலை நீடிக்கவே கேரளா விரும்புகிறது. தமிழ்நாட்டுடன் தற்போதுள்ள நல்லுறவை தக்கவைத்து கொண்டே பிரச்னைக்கு தீர்வு காணவேண்டும்.

முல்லைப் பெரியாறு பிரச்னையை தீர்ப்பதில் கேரளா அரசும், இங்குள்ள மக்களும் ஒரு தெளிவான முடிவுடன் உள்ளனர். கேரளாவில் ஐயப்ப பக்தர்கள் மற்றும் தமிழகத்தை சேர்ந்த தொழிலாளர்கள் தாக்கப்படுவதாக தமிழ்நாட்டில் தவறான செய்திகள் பரப்பப்படுகின்றன. இவ்வாறு தவறான செய்திகளை பரப்புபவர்கள் யார் என்பது எனக்கு தெரியும்.
இவ்வாறு அவர் கூறினார்.

பேசித்தான் பாருங்களே செல்வி ஜெயா அவர்களே முடிவுக்காக காத்திருக்கிறோம்