கேரளாவில் படப்பிடிப்பு கார்த்தி, அனுஷ்காவுக்கு பலத்த பாதுகாப்பு

கார்த்தி, அனுஷ்கா புதுப்படமொன்றில் ஜோடியாக நடிக்கின்றனர். ஷராஜ்
இயக்குகிறார். படத்துக்கு இன்னும் பெயர் வைக்கவில்லை. ஆனால் படப்பிடிப்பு
துவங்கியுள்ளது. கேரளாவில் உள்ள சாலக்குடியில் பெரிய பங்களா வீடுகள்
அரங்குகள் அமைத்து படப்பிடிப்பை நடத்துகின்றனர்.


முக்கிய
வசன காட்சிகள், பாடல் காட்சிகள், போன்றவை இங்கு படமாகி வருகிறது.
முல்லைப் பெரியாறு பிரச்சினையில் கேரளா செல்லும் தமிழக ஐயப்ப பக்தர்கள்
தாக்கப்படுவதால் படப்பிடிப்பிலும் தாக்குதல் நடக்கலாம் என
சந்தேகிக்கப்பட்டது. கார்த்தி, அனுஷ்காவின் பாதுகாப்பு முக்கியமாக
இருந்தது.

இதையடுத்து படத்தின் தயாரிப்பாளர்
ஞானவேல் தனியார் பாதுகாப்புக்கு ஏற்பாடு செய்துள்ளார். அடிதடி தெரிந்த
பாதுகாவலர்கள் கார்த்தி, அனுஷ்கா பாதுகாப்புக்கு நிறுத்தப்பட்டு உள்ளனர்.
போராட்டக்காரர்கள் எவரேனும் வருகிறார்களா? என அவர்கள் தீவிரமாக
கண்காணிக்கின்றனர். அதோடு உள்ளூர் போலீசாரும் பாதுகாப்பு அளிக்கின்றனர்.

படப்பிடிப்பை
இடையில் நிறுத்தி விடலாமா? என ஆலோசித்தனர். ஆனால் பல லட்சங்கள் செலவில்
போடப்பட்டுள்ள அரங்குகள் வீணாகி, நஷ்டம் ஏற்பட்டு விடும் என கருதி
படப்பிடிப்பை தொடர்ந்து நடத்தி வருகிறார்கள்.

தகவலுக்கு நன்றி.

கார்த்திக் அடி வாங்கினாலும் பரவாயில்லை அனுஷ்கா பத்திரம் அப்புறம் ஹாஷிமுக்கும் நண்பனுக்கும் தூக்கம் வராது