இலங்கையில் அத்தியாவசிய பொருட்களின் விலைகள் அதிகரிக்கும் - வர்த்தகர்கள்

இலங்கையில் நாணயப்பெறுமதி குறைக்கப்பட்டதன் காரணமாக எதிர்வரும் ஜனவரி மாதம் முதல் அத்தியாவசிய பொருட்களின் விலைகள் அதிகரிக்கக்கூடும் என்று எதிரிப்பார்க்கப்படுகிறது.
வர்த்தகத்துறையினர் இந்த எச்சரிக்கையை விடுத்துள்ளனர்.அரிசி, கோதுமை மா, சீனி, பருப்பு, முட்டை போன்றவற்றின் விலைகள் அதிகரிக்கும் என்று கொழும்பு பழைய சோனகத்தெருவின் வர்த்தக சம்மேளன தலைவர் கே. பழனியாண்டி தெரிவித்துள்ளார்.

கிறிஸ்மஸ் மற்றும் புதுவருடக்காலங்களில் வரவுசெலவுத்திட்டத்துக்கு முன்னுள்ள விலைகளே நடைமுறையில் இருக்கும் புதிய பொருட்கள் சந்தைக்கு வந்தவுடன் எதிர்வரும் ஜனவரிக்கு பின்னர் இந்த பொருள் விலையேற்றம் ஏற்படும் என்று அவர் குறிப்பிட்டுள்ளார்.

இதேவேளை பால்மாவை சந்தையில் கட்டுப்படுத்தப்பட்ட விலைக்கே விற்பனை செய்ய நுகர்வோர்துறை அமைச்சு நடவடிக்கை எடு;த்து வருகிறது. எனினும் நாணய மதிப்பிறக்கம் காரணமாக இறக்குமதிகளுக்கு அதிக செலவீனங்கள் ஏற்படுகின்றன. இதனைக் கருத்திற்கொள்ளும் போது தற்போதைய விலையில் பால்மாவை சந்தையில் விற்பனை செய்வது சாத்தியமற்றது என்று வர்த்தகர்கள் தெரிவித்துள்ளனர்.

ஏற்றுமதியை அதிகரிக்கவும் இறக்குமதியை கட்டுப்படுத்தவும் அரசாங்கம் 3 வீத நாணய மதிப்பிறக்கத்தை கடந்த வரவுசெலவுத்திட்டத்தில் அறிமுகப்படுத்தியது. நாணய மதிப்பிறக்கத்தின் முன்னர் டொலருக்கு எதிரான ரூபாவின் பெறுமதி 110.90 சதமாக இருந்தது. நாணயமதிப்பிறக்கத்தின் பின்னர் அது 113 ரூபா 90 சதமாக அதிகரித்துள்ளது எனவும் குறிப்பிட்டார்.

இனிமேல் இலங்கையில் பணக்காறர்கள் மட்டுமே வாழலாம் என்னும் நில மிக விரைவில் வர இருக்கிறது
வெளி நாட்டில் சுற்றுலாக்கு வரும் வெளிநாட்டவர்கள் வந்து சில நாட்களுக்குள்ளேயே பணங்கள் முடிந்து விடுவதால் விபச்சாரத்தில் ஈடுபட்டு பணம் சம்பாதித்து உல்லாசமாக இருக்கும் கேவலம் வந்துள்ளது இது தேவையா சார் தலை வலிக்குது நாமும் பார்த்திட்டு இருக்கோமே என்று நினைக்கும் போது.

ஏழைகளும் வாழும் வண்ணம் அரசு திட்டங்கள் தீட்ட வேண்டும் ஆனால் இன்றைய ஆட்சியாளர்கள் அப்படி இல்லையே தாங்கள் வசதியாக வாழ்ந்தால் போதும் என்றுதானே இருக்கிறார்கள்