முல்லைப் பெரியாறு அணை சிக்கல் - உண்மை பின்னணி என்ன, தீர்வு என்ன ? (வீடியோ)

முல்லைப் பெரியாறு அணையின் பலம் குறித்து, தமிழ் நாடு மூத்த பொறியாளர்கள் சங்கம் தயாரித்துள்ள, "சிடி'யை பொது இடங்களில் ஒளிபரப்புவதற்கு அனுமதி மறுக்கப்பட்டு வருகிறது.
கேரளாவில் முல்லைப் பெரியாறு அணை பலவீனமாக உள்ளதாகவும், அணை உடைவது, மக்கள் தண்ணீரில் தத்தளிப்பது போன்ற கிராபிக்ஸ் காட்சிகள் படமாக்கப்பட்டு, அங்குள்ள "டிவி'க்களில் ஒளிபரப்பப்பட்டது. மக்களை பீதியடையச் செய்யும் வகையில் உள்ளூர் சேனல்களிலும், தியேட்டர்கள், பொது இடங்களில் இது திரையிடப்பட்டது. இது கேரள மக்களிடம் பீதியை ஏற்படுத்தியது. இதுவே அங்குள்ள மக்களை போராட்டத்திற்கு தூண்டுவதாகவும் அமைந்தது. உச்ச கட்டமாக "டேம் 999' சினிமாவும் பிரச்னையை கிளப்பியது.இதற்கு பதிலடி கொடுக்கும் வகையில், தமிழக முன்னாள் பொதுப்பணித் துறை அதிகாரிகள் தயாரித்த, "முல்லைப் பெரியாறு அணை சிக்கல் - உண்மை பின்னணி என்ன, தீர்வு என்ன' என்ற "சிடி' வெளிவந்தது.

கடந்த சில நாட்களுக்கு முன் முல்லைப் பெரியாறு அணை உரிமை மீட்பு விழிப்புணர்வு பிரசாரசம் மற்றும் தேனி உண்ணாவிரதம் நிகழ்ச்சிகளில் பங்கேற்ற ம.தி.மு.க., பொது செயலாளர் வைகோ, ஒரு லட்சம் "சிடி'க்களை இலவசமாக வழி நெடுகிலும், உண்ணாவிரத இடத்திலும் கொடுத்தார். இந்த "சிடி'யை தேனி மாவட்டத்தில் அனைத்து வீடுகளுக்கும் வழங்க வேண்டும், என கோரிக்கை வைக்கப்பட்டது. மேலும் இவை உள்ளூர் சேனல்களிலும் ஒளிபரப்பட்டன. இந்த "சிடி' யை உத்தமபாளையம் பகுதியில் பொது இடத்தில் திரையிடுவதற்காக அப்பகுதியை சேர்ந்த விவசாயிகள் போலீசாரிடம் அனுமதி கேட்டனர். 144 தடை உத்தரவும் இருப்பதால் போலீசார் அனுமதி வழங்கவில்லை.

விவசாயிகள் சிலர் கூறுகையில், "முல்லைப் பெரியாறு அணை குறித்து அனைவரும் தெரியவேண்டிய இந்த "சிடி'யை பொது இடங்களில் திரையிட அனுமதிக்க வேண்டும். தடை உத்தரவுகளை காட்டி தடுக்க கூடாது. கேரளாவில் எப்படி கிராபிக்ஸ் "சிடி'க்கு அரசு ஒத்துழைப்பு கொடுத்ததோ, அது போல் தமிழக அரசும் இந்த "சிடி'யை திரையிட எவ்வித தடையும் ஏற்படுத்தக் கூடாது' என்றனர்.
முல்லைப் பெரியாறு அணை குறித்த வரலாறு, அணை எவ்வாறு பலப்படுத்தப்பட்டுள்ளது, அணையினால் ஏற்படும் நன்மை, கேரளாவின் தந்திரத்தால் தமிழகம் இழந்த உரிமைகள் என 45 நிமிடங்கள் ஓடக் கூடிய வகையில் "சிடி' தயாரிக்கப்பட்டுள்ளது.

மிக மிக அழகான செய்தி நன்ரி ஹசிம்

நன்றி நன்றி :!@!:

அரிய பல தகவல்கள் அறிந்தேன் இவர்கள் தரும் கூற்றுக்கள் நியாயமானதாகத்தான் எனக்குப் படுகிறது என்ன நடக்குமோ பொறுத்திருந்து பார்ப்போம் நன்றி ஹாசிம் சிறந்த முக்கிய தகவலுக்கு.