ஒரே நாட்டில் 2 பிரதமர்கள்

by **நண்பன்** Thu 15 Dec 2011 - 10:47

இந்தோனேசியா நாட்டை ஒட்டி உள்ளது பபுவா நியூகினியா. இந்த நாட்டில் பல
ஆண்டுகளாக பிரதமராக இருந்தவர் மைக்கேல் சோமாரே. கடைசியாக 2002-ம் ஆண்டு
பிரதமராக தேர்ந்தெடுக்கப்பட்டார். அதில் இருந்து அவர் தொடர்ந்து பிரதமராக
இருந்து வருகிறார். இந்த நிலையில் சில மாதங்களுக்கு முன்பு உடல் நலம்
பாதிக்கப்பட்டார்.

எனவே சிங்கப்பூரில்
தங்கியிருந்து சிகிச்சை பெற்று வந்தார். இதனால் பீட்டர் நீல் என்பவர்
தற்காலிக பிரதமராக நியமிக்கப்ட்டார். இப்போது மைக்கேல் சோமாரே குணமாகி நாடு
திரும்பி விட்டார்.எனவே அவர் தற்காலிக பிரதமர் பீட்டர் நீலை பதவி விலக
கேட்டு கொண்டார். ஆனால் அவர் பதவி விலக மறுத்து விட்டார். நான் தான்
உண்மையான பிரதமர் என்று அவர் கூறி வருகிறார்.

அவருக்கு
சபாநாயகர் மற்றும் பல தலைவர்கள் ஆதரவாக உள்ளனர். இதனால் பீட்டர் நீலை
எதிர்த்து மைக்கேல் சோமாரே கோர்ட்டில் வழக்கு தொடர்ந்தார். இதை விசாரித்த
நீதிபதி மைக்கேல் சோமாரே தான் பிரதமர் என்று தீர்ப்பு கூறினார்.
அதன்பிறகும் பீட்டர் நீல் பதவி விலக மறுத்து விட்டார்.

இதனால்
நாட்டில் இப்போது 2 பிரதமர்கள் உள்ளனர். இது குழப்ப நிலையை ஏற்படுத்தி
உள்ளது. இந்த பிரச்சினையால் இருதரப்பினர் ஆதரவாளர்களும் ஆங்காங்கே மோதிக்
கொண்டுள்ளனர். அங்கு அமைதியை ஏற்படுத்த பக்கத்து நாடான ஆஸ்திரேலியா சமரச
முயற்சியில் ஈடுபட்டுள்ளது.

மாலை மலர்