தமிழக உரிமையை விட்டுக் கொடுக்க முடியாது; தமிழக சட்டமன்றம் தீர்மானம்

முல்லை பெரியாறு அணையில் தமிழகத்திற்கு உள்ள உரிமையை ஒருபோதும் விட்டுக் கொடுக்க முடியாது என்று நேற்று தமிழக சட்டசபையின் சிறப்புக் கூட்டத்தில் முதல்வர் ஜெயலலிதா தாக்கல் செய்த தீர்மானத்தில் கூறப்பட்டுள்ளது.

முல்லைப் பெரியாறு அணை விவகாரம் குறித்து ஆலோசனை நடத்த நேற்று சிறப்பு சட்டப்பேரவைக் கூட்டம் கூட்டப்பட்டது. முதல்வர் ஜெயலலிதா முல்லைப் பெரியாறு விவகாரம் தொடர்பாக சிறப்புத் தீர்மானத்தை தாக்கல் செய்தார்.

அதில் முல்லைப் பெரியாறு அணையில் 142 அடி நீரைத் தேக்க கேரள பாசன சட்டத்தில் திருத்தம் செய்யப்பட வேண்டும். நீர் மட்ட அளவை 152 அடி வரை உயர்த்தலாம் என்று உச்ச நீதிமன்றம் அமைத்த நிபுணர் குழு கூறியுள்ளதால், வருங்காலத்தில் அணையில் 152 அடி தண்ணீர் தேக்க ஏற்பாடு செய்ய வேண்டும். 152 அடி நீர்தேக்க அணையை பலப்படுத்த கேரளா தடையாக இருக்கக் கூடாது.

முல்லைப் பெரியாறு அணையில் தமிழகத்திற்கு உள்ள உரிமையை ஒருபோதும் விட்டுக் கொடுக்க முடியாது அணைப் பகுதியில் பெரும் பீதியும் அச்சமும் நிலவுவதால் அங்கு மத்திய பாதுகாப்புப் படையை நிறுத்த வேண்டு என்றும் கூறப்பட்டுள்ளது. இந்தத் தீர்மானத்தின் மீது அனைத்துக் கட்சி எம். எல். ஏக்களும் தங்களது கருத்துக்களைத் தெரிவித்தனர். இதையடுத்து இந்தத் தீர்மானம் ஒருமனதாக நிறைவேற்றப்பட்டது. இன்றைய கூட்டத்தில் தி.மு.க எம். எல். ஏக்களும் கலந்துகொண்டுள்ளனர்.

இதனால் என்ன லாபம்