அட்டாளைச்சேனை பிரதான வீதியின் வடிகான்கள் புனரமைப்பு

by **முனாஸ் சுலைமான்** Wed 21 Dec 2011 - 6:24

அட்டாளைச்சேனை பிரதான வீதியில் முற்றாக மூடப்பட்டு மண்ணுள் புதைந்து கிடந்த வடிகான்களைத் தோண்டுவதோடு, மழை மற்றும் வெள்ள நீர் வடிந்தோடுவதற்குத் தடையாக இருந்த கட்டிடங்களின் சில பகுதிகளை அகற்றும் பணிகள் இன்று செவ்வாய்கிழமை நடைபெற்றது.

அட்டாளைச்சேனை பிரதேச சபையினால் மேற்கொள்ளப்பட்ட மேற்படி நடவடிக்கையினை சபைத் தவிசாளர் ஏ.எல்.எம்.நசீர் மற்றும் உறுப்பினர் எஸ்.எல்.முனாஸ் நேரடியாகச் சென்று பார்வையிட்டதோடு, வேலைகளையும் நெறிப்படுத்தினார்.

தற்போது பெய்து வரும் மழை காரணமாக அட்டாளைச்சேனைப் பிரதேசத்தின் சில பகுதிகளில் வெள்ளம் ஏற்படுவதாகவும், மழைநீர் வடிந்தோட முடியாத நிலை உள்ளதாகவும் தவிசாளரிடம் பொதுமக்கள் முறையிட்டிருந்தனர்.

இதனையடுத்தே மூடப்பட்டுக் கிடந்த வடிகான்களைத் தோண்டுதல் மற்றும் நீர் வடிந்தோடுவதற்குத் தடையாக இருந்த கட்டிடங்களின் சில பகுதிகளை அகற்றும் பணிகள் இன்று மேற்கொள்ளப்பட்டன.

அட்டாளைச்சேனை பிரதான வீதியின் வடிகான்கள் புனரமைப்பு Mirror01(22)