கள்ளக்காதலுக்கு தடையாக இருந்த மனைவி மீது கொதிக்கும் எண்ணெய் ஊற்றிய கணவர்

by **நேசமுடன் ஹாசிம்** Wed 21 Dec 2011 - 7:34

கமுதி அருகே, கள்ளக்காதலுக்கு தடையாக இருந்த மனைவி மீது கொதிக்கும் எண்ணெய் ஊற்றிய கணவரை போலீசார் கைது செய்தனர்.
கமுதி அருகே நரியன் சுப்பராயபுரத்தை சேர்ந்தவர் அம்சவள்ளி, 30. இவரது கணவர் சரவணன், 36, காட்டுப் பரமக்குடியை சேர்ந்த வனிதா, 30, என்பவருடன் கள்ளத்தொடர்பு வைத்துள்ளார். இதனால், கணவன், மனைவி இடையே அடிக்கடி தகராறு ஏற்பட்டது. நேற்று முன்தினம் கள்ளக்காதலியுடன் வீட்டிற்கு வந்த சரவணன், மனைவி அம்சவள்ளியை தாக்கி, அவர் அப்பளம் பொரித்துக்கொண்டிருந்த கொதி எண்ணெயை எடுத்து முகத்தில் ஊற்றினார். இதில் படுகாயமடைந்த அம்சவள்ளி, மதுரை அரசு மருத்துவமனையில் அனுமதிக்கப்பட்டுள்ளார். அபிராமம் போலீசார் சரவணன் மற்றும் வனிதாவை கைது செய்தனர்.