லோக்பால் சட்டமூலம் நிச்சயம் நிறைவேற்றப்படும்

by *சம்ஸ் Fri 23 Dec 2011 - 8:34

லோக்பால் சட்டமூலம் நிச்சயம் நிறைவேற்றப்படும்
புதுடில்லி
உலோக்பால் மாகோதா எப்படியும் நிறைவேற்றப்படும். மத்திய அரசும், காங்கிரஸ் கட்சியும் ஒருமித்த கருத்துடன் செயல்படவில்லை என்ற எதிர்க் கட்சியினரின் பிரசாரத்துக்கு ஒரு முடிவு கட்டுவேன்’ என ஐக்கிய முற்போக்கு கூட்டணி தலைவர் சோனியா உறுதியாகத் தெரிவித்துள்ளார்.

காங்கிரஸ் பாராளுமன்ற உறுப்பினர்கள் கூட்டத்தில் சோனியா நேற்று முன்தினம் பேசியதாவது : ஊழல் நோயை கட்டுப்படுத்தவில்லை என நம் மீது வேண்டுமென்றே புகார் கூறப்பட்டு வருகிறது. இது தவறான பிரசாரம். லோக்பால் மற்றும் பெண்கள் இட ஒதுக்கீடு சட்டமூலம் நிறைவேற நான் பாடுபடுவேன். லோக்பால் சட்டமூலம் எப்படியும் நிறைவேற்றப்படும்.

நாம் சில விடயங்களில் தோல்வியடைந்து விட்டதாகக் கூறுவதை ஏற்க முடியாது. ஊழல் குறித்து தகவல் சொல்பவர்களை பாதுகாக்கும் சட்டமூலம், சட்ட விரோத பணப் பரிமாற்றத்தை தடுத்தல், வெளிநாட்டு நிறுவனங்களில் பணிபுரியும் இந்தியர்கள் செய்யும் ஊழலைத் தடுத்தல் போன்ற நடவடிக்கைகளை அரசு விரைவில் மேற்கொள்ள உள்ளது.

வெற்றுக் கூச்சல்:

லோக்பால் சட்டமூலத்துக்கு அமைச்சரவை ஒப்புதல் அளித்து விட்டது. விரைவில் இந்த சட்டமூலம் நிறைவேற்றப்பட உள்ளது. 2004 மற்றும் 2009இல் மக்கள் அளித்த தீர்ப்பை மதிக்காத எதிர்க் கட்சியினர் நம்மை நிலைகுலையச் செய்யும் முயற்சியில் ஈடுபட்டு வருகின்றனர். இவர்களது முயற்சியைத் தடுக்க வேண்டும். எதிர்க் கட்சியினர் வெற்றுக் கூச்சல் போடுகின்றனர். இது சந்தர்ப்பவாதத்தின் அடிப் படையில் அமைந்தது.

பாராளுமன்ற நடவடிக்கைகளை முடக்குவதை பா. ஜ. தலைமையிலான கூட்டணி கொள்கையாக கொண் டுள்ளது.

இதற்காக அவர்கள் கோரும் எந்த விவாதத்தையும் நாம் மறுக்கவில்லை. நம்முடைய கொள்கை மக்களுக்கு அளித்த வாக்குறுதியை நிறைவேற்றுவது தான் என தெரிவித்தார்.